شىمكەنتە قىزىلشامەن اۋىرعان بالالاردىڭ كوبى ءدىني سەبەپتەرمەن ۆاكسينا الماعان
شىمكەنتتە قىزىلشامەن اۋىرعان بالالاردىڭ كوپشىلىگى ۆاكسينا الماعان، دەپ حابارلايدى Kazinform.
شىمكەنتتە قىزىلشا ءورشىپ تۇر. ينفەكسيالىق اۋرۋدى جۇقتىرعاندار قازىر شىمكەنت قالاسىنىڭ ءبىلىم بەرۋ ۇيىمدارى مەن بالاباقشالارىندا دا كوبەيۋدە. جۇقپالى دەرتتىڭ تارالۋىنىڭ الدىن الۋ ماقساتىندا شىمكەنت قالاسى اكىمىنىڭ ءبىرىنشى ورىنباسارى قۋانىش اسىلوۆتىڭ توراعالىعىمەن شتاب وتىرىسى ءوتتى.
«2023 -جىلدىڭ ناۋرىز ايىنان بەرى قالا بويىنشا 4795 قىزىلشاعا كۇدىكتى دەرەك تىركەلگەن. ونىڭ ىشىندە 2026 جاعدايدا دياگنوز راستالدى. ناۋقاستار اراسىندا 14 جاسقا دەيىنگى بالالار %86 قۇرايدى. ولاردىڭ %89,6 دان استامى ءدىني سەبەپتەرمەن اتا-اناسىنىڭ باس تارتۋىنا بايلانىستى قىزىلشاعا قارسى ۆاكسينا الماعاندار. قىزىلشا اۋرۋىنىڭ ءوسۋ قارقىنى بيىلعى جىلدىڭ قىركۇيەك ايىنىڭ ورتاسىنان باستالدى»، - دەدى قالا اكىمىنىڭ ءبىرىنشى ورىنباسارى قۋانىش اسىلوۆ.
سونداي-اق، دەنساۋلىق ساقتاۋ باسقارماسىنىڭ باسشىسى نۇرلىبەك اسىلبەكوۆ قالا اۋماعىنداعى قىزىلشا اۋرۋى بويىنشا ەپيدەميولوگيالىق اقۋالدى بايانداپ، ينفەكسياعا توسقاۋىل بولاتىن ءتيىمدى جولداردى ۇسىندى.
جيىن سوڭىندا قالا اكىمىنىڭ ءبىرىنشى ورىنباسارى جاۋاپتىلارعا ەپيدەميامەن كۇرەس شارالارىن ءتيىستى تالاپتارعا ساي اتقارىپ، پروفيلاكتيكالىق جۇمىستاردى كۇشەيتۋدى تاپسىردى.
