شىمكەنت پەن تۇركىستان وبلىسىندا جازعى اۋا رايى قانداي بولادى

تۇركىستان. KAZINFORM - وڭىرگە ءتان تەمپەراتۋرا ساقتالادى جانە جاۋىن-شاشىن سيرەك جاۋادى.

«قازگيدرومەت» سينوپتيكتەرى تۇركىستان وبلىسى مەن شىمكەنت قالاسىنىڭ الداعى جازعا ارنالعان ماۋسىمدىق بولجامىن ۇسىندى.

- جاز ءبىرقالىپتى ىستىق بولادى دەپ كۇتىلىپ وتىر. الايدا جوعارى تەمپەراتۋرا كەزەڭدەرى – 35 تەن 39 گرادۋسقا دەيىن، ال كەي كۇندەرى تەرمومەتر كورسەتكىشتەرى 45+ گرادۋسقا دەيىن كوتەرىلەدى دەپ بولجاندى. جازدا كۇن كۇركىرەپ، قىسقا مەرزىمدى جاڭبىر دا جاۋادى، ءبىراق ۇزاق ۋاقىت بويى جاۋىن-شاشىنسىز اشىق اۋا رايى ساقتالۋى مۇمكىن، - دەپ اتاپ ءوتتى «قازگيدرومەت» ر م ك باسپا ءسوز حاتشىسى ارۋجان مۇراتوۆا.

مەتەورولوگيا مۇراعاتىندا قىزىقتى دەرەكتەر بار. مىسالى، ابسوليۋتتى ەڭ تومەنگى تەمپەراتۋرا 1961-جىلدىڭ ماۋسىمىندا تىركەلگەن. ونداعى كۇن رايى بار بولعانى 5+ گرادۋس بولعان. شكالانىڭ قاراما-قارسى جاعىندا ابسوليۋتتى ماكسيمۋم 1958-جىلدىڭ شىلدەسىندە تىركەلگەن. مۇندا تەرمومەتر 47,2+ گرادۋسقا جەتكەن.

جازعى تۇراقتى اۋا رايى باستالماي تۇرىپ، وڭتۇستىك وڭىرلەر كوكتەمگى وتپەلى ماۋسىمدى باستان كەشىرەدى.

- جازعى ىستىق اۋا رايى ءساۋىر مەن مامىردىڭ باسىندا باستالۋى مۇمكىن. ماسەلەن، وتكەن جىلى ءساۋىر ايىنىڭ ورتاسىندا رەسپۋبليكانىڭ باسىم بولىگىندە اۋا تەمپەراتۋراسى 22+30+ گرادۋسقا جەتتى، - دەپ حابارلادى سينوپتيكتەر.

الداعى كۇندەرى، ناۋرىز ايىنىڭ سوڭىنا دەيىن ەلىمىزدىڭ وڭتۇستىگىندە سالقىن اۋا-رايى ساقتالادى. تۇندە 5- گرادۋستان 11+ گرادۋسقا دەيىن سالقىن كۇتىلۋدە، ال كۇندىز اۋا تەمپەراتۋراسى 1+13+ گرادۋسقا دەيىن كوتەرىلەدى.