شىمكەنت اكىمدىگىنىڭ بۇرىنعى باسقارما باسشىسى 3,5 جىلعا سوتتالدى
شىمكەنت. KAZINFORM - شىمكەنت اكىمدىگىنىڭ بۇرىنعى باسقارما باسشىسى 3,5 جىلعا سوتتالدى.
بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ باسشىسى داۋرەن ەرعارين مالىمدەدى.
«شىمكەنت قالالىق سوتىنىڭ قىلمىستىق ىستەر جونىندەگى سوت القاسى شىمكەنت قالاسى بويىنشا جولاۋشىلار كولىگى جانە اۆتوموبيل جولدارى باسقارماسىنىڭ بۇرىنعى باسشىسى مۇحتار قوقانبايەۆتى لاۋازىمدىق وكىلەتتىكتەرىن تەرىس پايدالانعانى ءۇشىن كىنالى دەپ تانىپ، وعان 3,5 جىل مەرزىمگە باس بوستاندىعىن شەكتەۋ تۇرىندەگى جازا تاعايىندادى»، دەپ جازدى داۋرەن ەرعارين Facebook پاراقشاسىندا.
ايتا كەتەيىك، مەگاپوليستىڭ الەۋمەتتىك ماڭىزى بار باعىتتارى بويىنشا جولاۋشىلار تاسىمالىن سۋبسيديالاۋعا جاردەمدەسكەنى ءۇشىن ج ش س وكىلىنەن 13 ميلليون تەڭگە الۋ كەزىندە سىبايلاس جەمقورلىققا قارسى قىزمەت ۇستاعان م. قوقانبايەۆتى ءبىرىنشى ساتىداعى سوت اقتاعان بولاتىن.
