شىمبۇلاقتا جابايى قاباننىڭ سنوۋبوردشىلارعا شابۋىل جاساعانى راس پا
الماتى. KAZINFORM - الەۋمەتتىك جەلىدە جابايى قاباننىڭ تاۋدا سىرعاناپ جۇرگەن سنوۋبوردشىلارعا شابۋىل جاساعان ءساتىنىڭ ۆيدەوسى شىقتى. پوست اۆتورى وقيعا الماتىنىڭ شاڭعى تەبەتىن جەرلەرىنىڭ بىرىندە بولعانىن جازدى.
جەلى قولدانۋشىلاردىڭ كەيبىرى ۆيدەو الماتىداعى «شىمبۇلاق» تاۋ-شاڭعى كۋرورتىندا ءتۇسىرىلدى دەسە، باسقالارى قىتايدا تۇسىرىلگەنىن ايتىپ، پىكىرلەرىن قالدىردى. وقيعانىڭ انىق- قانىعىن ءبىلۋ ماقساتىندا «شىمبۇلاق» تاۋ-شاڭعى كۋرورتىنىڭ باسپا ءسوز قىزمەتىنە حابارلاسقان ەدىك.
كۋرورتتىڭ باسپا ءسوز قىزمەتى ۆيدەو شىمبۇلاقتا تۇسىرىلمەگەنىن حابارلادى.
«بۇل ۆيدەو شامامەن ءبىر جىل بۇرىن جاپونيانىڭ تاۋ-شاڭعى كۋرورتىندا تۇسىرىلگەن. ونى سول جەردەگى تاقتايلار مەن اۋماقتاعى جازۋلاردان دا بايقاۋعا بولادى»، - دەپ حابارلادى «شىمبۇلاق» تاۋ-شاڭعى كۋرورتىنىڭ باسپا ءسوز قىزمەتى.
ەسكە سالساق، قاڭتار ايىندا «شىمبۇلاق» تاۋ كۋرورتىندا ۇزىن-سونار كەزەك شىعىپ، ونىڭ ۆيدەوسى جەلىگە تاراعان ەدى.
اۆتور
دۋمان ارعىنگەلدى
