چيڭداۋ قالاسى ش ى ۇ مادەني جانە تۋريستىك استاناسى اتانادى
استانا. KAZINFORM - استانادا وتەتىن ش ى ۇ سامميتىندە «ش ى ۇ مادەني جانە تۋريستىك استاناسى» مارتەبەسىن چيڭداۋ قالاسىنا (ق ح ر) بەرۋ شەشىمى قابىلدانادى. بۇل تۋرالى ش ى ۇ باس حاتشىسى جاڭ ميڭ Kazinform اگەنتتىگىنە بەرگەن سۇحباتىندا ايتتى.
ونىڭ ايتۋىنشا، مادەني ءوزارا ءىس-قيمىل جانە تۋريستىك ىنتىماقتاستىق ش ى ۇ-عا مۇشە مەملەكەتتەر قىزمەتىنىڭ باسىم باعىتتارىنىڭ ءبىرى رەتىندە حالىقتاردى جاقىنداستىرۋعا جانە دوس ەلدەردىڭ ەكونوميكاسىن دامىتۋعا جاردەمدەسۋدە بىرەگەي رول اتقارادى.
«وتكەن 2023 -جىل «ش ى ۇ تۋريزم جىلى» بولىپ جاريالانعان ەدى. قازىرگى ءتوراعا - قازاقستان رەسپۋبليكاسى مادەنيەت جانە تۋريزم سالاسىنداعى ىنتىماقتاستىققا ۇلكەن ءمان بەرەدى. ش ى ۇ تۋريزم جىلىن وتكىزۋ جونىندەگى ءىس- شارالار جوسپارى جانە «الماتى – ش ى ۇ تۋريستىك جانە مادەني استاناسى» باعدارلاماسىن ىسكە اسىرۋ جوسپارىمەن 20 دان استام مادەني جانە تۋريستىك شارا ۇيىمداستىرىلدى. ونىڭ ىشىندە ش ى ۇ حالىقارالىق تۋريستىك فورۋمى، «ازيا داۋىسى» حالىقارالىق مۋزىكالىق فەستيۆالى، حالىقارالىق قوناق ءۇي فورۋمى، Globe بالەتى، شاحماتتان ش ى ۇ كۋبوگى بار»، - دەدى جاڭ ميڭ.
بۇل شارالار قازاقستاندىق تاراپتىڭ جانە تۇتاستاي العاندا ش ى ۇ- نىڭ مادەني- تۋريستىك برەندىن قالىپتاستىرۋعا ىقپال ەتتى، سونداي- اق ش ى ۇ-نىڭ مادەني-تۋريستىك ىنتىماقتاستىعىن تەرەڭدەتۋدە ماڭىزدى ءرول اتقاردى.
وتكەن جىلدىڭ قاراشا ايىندا ش ى ۇ حاتشىلىعى ءۇرىمجى قالاسىندا «ش ى ۇ فورۋمى 2023 - تۋريزم جىلى» جيىنىن وتكىزدى. بۇل ش ى ۇ ەلدەرى اراسىنداعى تۋريزم سالاسىنداعى ءوزارا ءىس-قيمىلدى دامىتۋ جانە ءوڭىرىمىزدىڭ تۋريستىك الەۋەتىن اشۋ جونىندەگى باستامالاردى تالقىلاۋ ءۇشىن ماڭىزدى الاڭ بولدى.
«بيىل الماتى قالاسىندا ش ى ۇ-عا مۇشە مەملەكەتتەردىڭ تۋريستىك اكىمشىلىكتەرى باسشىلارىنىڭ كەزدەسۋى ءوتتى، وعان مەن دە قاتىستىم. وتىرىستا ش ى ۇ تۋريزم سالاسىنداعى 2024-2025 -جىلدارعا ارنالعان بىرلەسكەن ءىس- قيمىل جوسپارى قابىلداندى، ول مۇشە مەملەكەتتەر ءۇشىن تۋريستىك ىنتىماقتاستىق باعىتتارىن ودان ءارى اشۋ، زەردەلەۋ، تەرەڭدەتۋ جانە جەتىلدىرۋ جونىندەگى ناقتى جول كارتاسىن بىلدىرەدى. ءبىز مۇشە مەملەكەتتەردىڭ بىرلەسكەن كۇش- جىگەرىمەن ش ى ۇ-نىڭ تۋريستىك ىنتىماقتاستىعى قارقىندى داميتىنىنا، ال حالىقتارىمىز ش ى ۇ ىنتىماقتاستىعىنىڭ ارتىقشىلىقتارى مەن تيىمدىلىگىن سەزىنەتىنىنە سەنىمدىمىز»، - دەدى ش ى ۇ حاتشىسى.
