شىعىس قازاقستانداعى تاعى ەكى اۋداندا جۇمىس ۋاقىتى 1 ساعاتقا كەرى شەگەرىلدى
وسكەمەن. KAZINFORM - شىعىس قازاقستان وبلىسىنداعى مارقاكول جانە ۇلكەن نارىن اۋداندارىندا جۇمىس ۋاقىتى 1 ساعاتقا كەرى شەگەرىلدى.
24- اقپاننان باستاپ مارقاكول جانە ۇلكەن نارىن اۋداندارىندا ءوڭىردىڭ تابيعي جاعدايلارىنا بەيىمدەلگەن جاڭا جۇمىس ۋاقىتى ەنگىزىلدى. ەندى جۇمىس كۇنى ساعات 08:00-دە باستالىپ، 17:30-دا اياقتالادى، تۇسكى ءۇزىلىس 12:00-دەن 13:30-عا دەيىن.
- بۇل وزگەرىستەر تاڭنىڭ ەرتە اتۋى مەن كەشكى باتۋىمەن بايلانىستى. وسىلايشا، تۇرعىندارعا كۇندىزگى ۋاقىتتى تيىمدىرەك پايدالانۋعا مۇمكىندىك بەرىلەدى. شەشىم جۇرتشىلىقپەن تالقىلانعاننان كەيىن قابىلداندى. سونداي-اق وبلىستىق باسقارما باسشىلارىنان قۇرالعان موبيلدى توپ بۇل باستامانى جەر-جەردە تالقىلادى، - دەپ حابارلادى اۋدان اكىمدىكتەرىنەن.
ايتا كەتەيىك، بۇعان دەيىن مۇنداي وزگەرىس كاتونقاراعاي اۋدانىندا ەنگىزىلگەن. قازىر ونداعى 40 مەكەمە اپتاسىنا بەس كۇن ساعات 08:00-دەن 17:30-عا دەيىن جۇمىس ىستەيدى.
اۆتور
تالعاتجان مۇحامەتبەك ۇلى
