شىعىس قازاقستانداعى پاروم ىستەن شىعىپ، « قىزىل تۋ» وتكەلىنىڭ جۇمىسى توقتادى

وسكەمەن. KAZINFORM - شىعىس قازاقستان وبلىسى بۇقتىرما سۋ قويماسىندا « قىزىل تۋ» وتكەلىندە قاتىنايتىن «ەرتىس» پارومى ىستەن شىقتى. بۇل تۋرالى وبلىس اكىمدىگىنەن ءمالىم ەتتى.

«ەرتىس» پارومىنىڭ ىستەن شىعۋىنا بايلانىستى 15-قازان كۇنگى ساعات 7:00-دەن 14:00-گە دەيىن «قىزىل تۋ» پاروم وتكەلىنىڭ جۇمىسى توقتاتىلدى. قازىرگى ۋاقىتتا جوندەۋ-قالپىنا كەلتىرۋ جۇمىستارى جۇرگىزىلۋدە. پاروم جۇمىسى جايلى ناقتى اقپارات كەيىن بەلگىلى بولدى»، - دەلىنگەن حابارلامادا.

وتكەلدە «ودەسسا» موتورلى كەمەسى بەلگىلەنگەن كەستە بويىنشا قالىپتى رەجيمدە جۇمىس ىستەپ تۇر.

ايتا كەتەيىك، «قىزىل تۋ» وتكەلى شىعىس قازاقستانداعى سامار مەن كۇرشىم اۋداندارىن جالعاپ تۇر. قازىر سول جەرگە پرەزيدەنت تاپسىرماسىمەن كوپىر سالىنىپ جاتىر.

ەسكە سالساق، كەشە ۇزىندىعى 1316 مەتر ەكى جولاقتى بۇل كوپىردىڭ ارنايى سىناقتان وتكەنى حابارلانعان.