شىعىس قازاقستاندا تاعى دا جەر سىلكىندى

وسكەمەن. KAZINFORM - شىعىس قازاقستان وبلىسى كۇرشىم اۋدانىندا جەر سىلكىنىسى تىركەلدى.

قازاقستان ۇلتتىق دەرەكتەر ورتالىعىنىڭ مالىمەتىنە سۇيەنسەك، شىعىس قازاقستان وبلىسىندا 28-تامىزدا ساعات 7:54-تە جەر سىلكىندى. ناقتى ايتقاندا، كۇرشىمنەن وڭتۇستىك- شىعىسقا قاراي 7 شاقىرىم جەردە تىركەلدى.

ماگنيتۋداسى - 4,5.

ايتا كەتەيىك، 23-شىلدە كۇنى ساعات 15:37-دە شىعىس قازاقستان جانە اباي وبلىستارىندا جەر سىلكىنگەن بولاتىن.

ت ج م «سەيسمولوگيالىق زەرتتەۋ ينستيتۋتى» جشس دەرەگىنشە، سول كەزدە اباي وبلىسى كوكپەكتى اۋدانى كوكپەكتى اۋىلىندا 4 بال، جارما اۋدانى قالباتاۋ اۋىلىندا 4 بال، شىعىس قازاقستان وبلىسى سامار اۋدانى سامار اۋىلىندا 4 بال، ۇلان اۋدانى قاسىم قايسەنوۆ كەنتىندا 4 بال، وسكەمەن قالاسىندا 4 بال جەراستى دۇمپۋلەرى تىركەلگەن.