شىعىس قازاقستاندا قاسقىر جەر ۇيگە كىرىپ كەتىپ ادامعا شاپتى

Қасқыр
Фото: Kazinform

وسكەمەن. KAZINFORM - وبلىسى التاي اۋدانىندا قاسقىر جەر ۇيگە كىرىپ كەتىپ ادامدى تىستەپ الدى.

وقيعا 28-ءساۋىر كۇنى بىكوۆو اۋىلىندا بولعان. قاسقىر ەسىگى اشىق تۇرعان جەر ۇيگە كىرىپ كەتكەن.

«ءۇي يەسى قاسقىردى قۋىپ جىبەرمەك بولدى. الايدا جىرتقىش اڭ قارسى شاپتى. اۋلادا جۇمىس ىستەپ جۇرگەن باسقا ادام مەن ەكى ءيتتى تىستەپ الدى دا قاشىپ كەتتى. كەيىن اۋىل تۇرعىندارى ءوز بەتتەرىمەن جينالىپ، سول قاسقىردىڭ ىزىنە ءتۇسىپ، كوزىن جويدى» ، - دەپ حابارلادى اۋدان اكىمدىگىنەن.

قاسقىر جالعىز جۇرمەگەن دەگەن ءقاۋىپ بولدى. سوعان وراي اۋىلداعى مەكتەپ وقۋشىلارى 29 ساۋىردە قاشىقتان وقىعان.

«وقيعا ورنىنا جەرگىلىكتى اتقارۋشى ورگاندار، ۆەتەريناريا جانە سانيتارلىق- ەپيدەميولوگيالىق قىزمەت ماماندارى شۇعىل كەلىپ جەتتى. تۇرعىندار اراسىندا اۋىر جاراقات العاندار، شىعىنعا باتقاندار جوق. قاسقىر تىستەگەن ادامنان جانە قاسقىردىڭ وزىنەن سىناما الىنىپ، ساراپتاماعا جىبەرىلدى. قازىرگى ۋاقىتتا جاعداي تۇراقتى، وقۋشىلار بۇگىن مەكتەپكە بارىپ ءبىلىم الۋدا» ، - دەلىنگەن اقپاراتتا.

سوڭعى جاڭالىقتار