شىعىس قازاقستاندا كوبەلەكتىڭ سيرەك كەزدەسەتىن ءتۇرى انىقتالدى

وسكەمەن. KAZINFORM - شىعىس قازاقستان وبلىسى اۋماعىندا كوبەلەكتىڭ سيرەك كەزدەسەتىن ءتۇرى انىقتالدى.

كاتونقاراعاي مەملەكەتتىك ۇلتتىق تابيعي پاركىنەن ۇسىنعان مالىمەتكە سۇيەنسەك، عىلىم، ەكولوگيالىق مونيتورينگ جانە اقپارات ءبولىمى جوسپارلى دالا جۇمىستارىن جۇرگىزگەن.

سونىڭ بارىسىندا ءبولىم ماماندارى زوولوگيا ينستيتۋتىنىڭ ەنتومولوگيا زەرتحاناسىنىڭ عىلىمي قىزمەتكەرى، دوكتور سەرگەي تيتوۆپەن بىرلەسىپ، شىعىس قازاقستان وبلىسىندا سيرەك كەزدەسەتىن كوبەلەكتىڭ ءتۇرىن انىقتادى.

«كوبەلەكتىڭ بۇل ءتۇرى - حەليس پاردالينا دەپ اتالادى. ول زايسان شۇڭقىرىنىڭ اۋماعىندا اشۋتاس شاتقالىندا تىركەلدى. بۇعان دەيىن بۇل كوبەلەك تەك وڭتۇستىك- شىعىس جانە باتىس قازاقستان مەن تۇرىكمەنستاندا مەكەندەيدى دەپ كورسەتىلگەن. ءبىز بۇل كوبەلەكتى تابيعاتتا سۋرەتكە ءتۇسىرىپ ۇلگەردىك. فوتوسۋرەتتەر مەن سكانوگافيالار بار عىلىمي ماقالا ەcologica Montenegrina جۋرنالىنا جىبەرىلدى»، - دەيدى ۇلتتىق پارك قىزمەتكەرلەرى.