شىعىس قازاقستاندا شەتەلدەگى جوعارى وقۋ ورىندارىنا كەتەتىن مەكتەپ تۇلەكتەرىنىڭ سانى 6 ەسە ازايىپ كەتتى
شىعىس قازاقستان وبلىسىندا مەكتەپ تۇلەكتەرىنىڭ تاياۋ شەتەلدەگى جوعارى وقۋ ورىندارىنا كەتۋى التى ەسە ازايىپ وتىر، دەپ حابارلايدى Kazinform.
ش ق و ءبىلىم باسقارماسىنىڭ مالىمەتىنە سۇيەنسەك، وڭىردە 2017-جىلدان باستاپ مەكتەپ پەن كوللەدج تۇلەكتەرىنىڭ شەتەلدىك جوعارى وقۋ ورىندارىنا كەتۋىن ازايتۋ ءۇشىن «بىلىكتى مامان» جوباسى ىسكە اسىرىلىپ جاتىر.
«سونىڭ شەڭبەرىندە جەتى جىل ىشىندە جەرگىلىكتى بيۋجەت قاراجاتىنا وبلىس اكىمىنىڭ 2576 گرانتى بەرىلدى. شىعىس قازاقستانداعى ەڭبەك نارىعىنىڭ قاجەتتىلىكتەرىن ەسكەرە وتىرىپ، مەديتسينا، اقپاراتتىق-كوممۋنيكاتسيالىق تەحنولوگيالار، ينجەنەريا، قۇرىلىس، ۆەتەريناريا جانە اۋىل شارۋاشىلىعى سالالارى بويىنشا گرانتتار بولىنگەن»، - دەيدى باسقارما باسشىسى ينەسسا چەرنىشيەۆا.
2021-2022-جىلدارى جوبا بويىنشا 569 ستۋدەنت ءبىلىم السا، ونىڭ 438 ءى جۇمىسقا ورنالاستىرىلدى (%77). 2023-جىلعى تۇلەكتەر سانى - 288. ونىڭ ىشىندە 224 ادام، ياعني %77,8 تۇراقتى جۇمىسقا تۇرعان.
«2016-جىلى 1800 مەكتەپ تۇلەگى تاياۋداعى شەت مەملەكەتتەردە وقۋعا تۇسكەن. ال 2023-جىلى بۇل كورسەتكىش 270 ادام بولىپ وتىر. وسىلايشا، ءوڭىر مەكتەپتەرى تۇلەكتەرىنىڭ تاياۋ شەتەلدەگى جوعارى وقۋ ورىندارىنا كەتۋى التى ەسە ازايدى»، - دەيدى باسقارما باسشىسى.
