شىعىس قازاقستاندا 600 توننا ءشوپ ورتەنىپ كەتتى
وسكەمەن. KAZINFORM - شىعىس قازاقستان وبلىسى زايسان اۋدانىندا 600 توننا ءشوپ وتقا ورانعان. قازىرگى ۋاقىتتا ءورتتىڭ نەدەن شىققانى بەلگىسىز.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، زايسان اۋدانى مۇقاشى اۋىلىندا جالپى سالماعى 600 توننادان اساتىن 2000 بۋما ءشوپ ورتەنگەن.
قۇتقارۋشىلاردىڭ جەدەل جانە ۇيلەسىمدى ءىس- قيمىلىنىڭ ارقاسىندا قىزىل جالىننىڭ باسقا اۋماققا تارالۋىنا جول بەرىلمەدى. كوپ ۇزاماي ءتىلسىز جاۋ وقشاۋلاندى.
«ءورت كورشى قۇرىلىستار مەن شارۋاشىلىق قورا-جايعا تارالعان جوق. ابىروي بولعاندا، ەشكىم زارداپ شەكپەدى. قازىرگى ۋاقىتتا ءورتتىڭ شىعۋ سەبەبى انىقتالىپ جاتىر»، - دەپ حابارلادى ۆەدومستۆو وكىلدەرى.
وسى رەتتە، ت ج د قىزمەتكەرلەرى ءوڭىر جۇرتشىلىعىنا ءشوپتى ساقتاۋ جانە جيناۋ كەزىندە ءورت قاۋىپسىزدىگى ەرەجەلەرىن قاتاڭ ساقتاۋ قاجەتتىگىن ەسكەرتتى.
ەسكە سالساق، وسىعان دەيىن ش ق و-دا ەگىن جيناۋ كەزىندە كومباين وتقا ورانعانى حابارلانعان.
اۆتور
تالعاتجان مۇحامەتبەك ۇلى
