شىعىس قازاقستان تۇرعىندارىن كەنە شاعا باستادى

وسكەمەن. KAZINFORM - شىعىس قازاقستان وبلىسى ريددەر قالاسىندا 4 ادامدى كەنە شاقتى.

كۇن جىلىنعالى وڭىردە كەنە ماۋسىمى باستالىپ كەتتى. 30-ناۋرىز كۇنى لەسحوز شاعىن اۋدانىندا كەنە شاعۋدىڭ العاشقى فاكتىسى تىركەلدى. ال 7-ساۋىردەگى جاعداي بويىنشا، ريددەردە كەنەدەن 4 ادام زارداپ شەككەن. ونىڭ ۇشەۋى ەرەسەك، بىرەۋى بالا.

- ەگەر ءسىزدى كەنە شاقسا، مۇمكىندىگىنشە ەرتەرەك، ناقتى ايتقاندا ءتورت كۇننىڭ ىشىندە مەديتسينالىق مەكەمەگە بارىپ قارالىڭىز. وندا كەنەنى الىپ تاستاپ، يممۋنوگلوبۋلين ەگىلىپ، ارى قاراي مەديتسينالىق باقىلاۋدا بولاسىز، - دەيدى قالانىڭ باس مەملەكەتتىك سانيتارلىق دارىگەرى گۇلميرا مىرزاعارايەۆا.

اۋرۋحانالاردا كەنە ەنتسەفاليتىنە قارسى ۆاكسينا بار. سونىمەن قاتار كەنە شاققاننان كەيىنگى اۋرۋدىڭ الدىن الۋ ءۇشىن يممۋنوگلوبۋلين دە جەتكىزىلگەن.

ايتا كەتەيىك، شىعىس قازاقستان رەسپۋبليكادا كەنە ەنتسەفاليتىن جۇقتىرۋ قاۋپىنىڭ جوعارى ايماعىنا جاتادى. وڭىردە اۋرۋشاڭدىق دەڭگەيى قازاقستان بويىنشا ورتاشا كورسەتكىشتەن 4,1 ەسە جوعارى.

ەسكە سالساق، وسىعان دەيىن س ق و- دا كۇن جىلىنعالى ون ادامدى كەنە شاققانى حابارلانعان.