EURO-2026: قازاقستان ءوز توبىندا ەكىنشى ورىن الدى

استانا. KAZINFORM - بۇگىن، 12-ناۋرىزدا فۋتزالدان 2026-جىلعى ەۋروپا چەمپيوناتىنا ىرىكتەۋ كەزەڭىندەگى التىنشى تۋردا قازاقستان قۇراماسى سىرت الاڭدا ارمەنيامەن كەزدەستى.

كەزدەسۋ بارىسىندا ارمەنيالىق قۇرامادان نيكيتا حرومىح 7,14-مينۋتتاردا گول سوقسا، وعان قازاقستاندىق داۋرەن تۇرساعۇلوۆ 16-مينۋتتا ءبىر گولمەن جاۋاپ قايىردى.

ەكىنشى كەزەڭدە نيكيتا حرومىح 24-مينۋتتا حەت-تريكتىڭ اۆتورى اتانسا، ارمەنيالىق قاقپاشى البەرت اگادجانوۆ 28-مينۋتتا ءوز مۇمكىندىگىن ءمۇلت جىبەرگەن جوق.

ال البەرت اگادجانوۆ 33-مينۋتتا اۆتوگولدىڭ اۆتورى اتاندى.

وسىلايشا قازاقستان قارسىلاسىنا 2:4 ەسەبىمەن ەسە جىبەرىپ، ءوز توبىندا ەكىنشى ورىندى مىسە تۇتتى.

توپتا ءبىرىنشى ورىن العان ارمەنيا قۇرلىقتىق دودا فينالدىق ساتىسىنا تىكەلەي شىقتى.

قازاقستاندىق فۋتزالشىلار 2025-جىلدىڭ قىركۇيەك ايىندا وتەتىن وتپەلى ويىندارى ارقىلى جولداماعا تالاسادى.

ايتا كەتسەك، قازىرگە دەيىن قازاقستان قۇراماسى ىرىكتەۋ كەزەڭىندە بەس ويىن وتكىزدى. الدىمەن البانيانى 2:0 ەسەبىمەن جەڭسە، ودان كەيىن ارمەنيامەن 4:4 ەسەبىمەن تەڭ وينادى.

ءۇشىنشى كەزدەسۋىندە دانيادان 2:3 ەسەبىمەن جەڭىلىپ قالسا، ءوز الاڭىندا اتالعان قارسىلاسىن 7:3 ەسەبىمەن تىزە بۇكتىرگەن ەدى. بەسىنشى ويىندا البانيادان 4:2 ەسەبىمەن باسىم ءتۇستى.