EURO-2025: قازاقستان قىزدار قۇراماسى مالتامەن تەڭ ءتۇستى
استانا. KAZINFORM - فۋتبولدان قازاقستان 19 جاسقا دەيىن قىزدار قۇراماسى 2025-جىلعى ەۋروپا چەمپيوناتى ىرىكتەۋ كەزەڭىندە ەكىنشى ويىنىن مالتاعا قارسى وتكىزدى.
ەكى قۇراما توقسان مينۋت بويى ءبىر-ءبىرىنىڭ قاقپاسىنان ساڭىلاۋ تابا العان جوق. قارسىلاستار 0:0 ەسەبىنە قاناعات ءبىلدىردى. قازاقستاندىق فۋتبولشىلار ىرىكتەۋ كەزەڭىندەگى العاشقى ۇپايىنا قول جەتكىزدى.
ايتا كەتسەك، بۇدان بۇرىن ولار لاتۆيادان 1:3، كوسوۆودان 1:2 ەسەبىمەن ۇتىلىپ قالدى.
ناتيجەسىندە قازاقستاندىق فۋتبولشىلار ءبىر ۇپايمەن ءوز توبىندا ءتورتىنشى ورىندى مىسە تۇتتى.
ءاربىر توپتا ءبىرىنشى ورىن العان قۇرامالار الداعى ماۋسىمدا ا ليگاسىندا باق سىنايدى. سونداي-اق پولشادا وتەتىن فينالدىق كەزەڭگە قاتىسۋعا مۇمكىندىك الادى.
قازاقستاندىق فۋتبولشىلار ءبىرىنشى ىرىكتەۋ كەزەڭىندە رۋمىنيا مەن لاتۆيامەن 0:0 ەسەبىمەن تەڭ ويناسا، ليحتەنشتەيننەن 7:0 ەسەبىمەن باسىم ءتۇستى.
