EURO-2025: قازاقستان قىزدار قۇراماسى ەكىنشى ويىندا جەڭىلدى
استانا. KAZINFORM - فۋتبولدان قازاقستان 19 جاسقا دەيىن قىزدار قۇراماسى 2025 -جىلعى ەۋروپا چەمپيوناتى ىرىكتەۋ كەزەڭىندە ەكىنشى ويىنىن كوسوۆوعا قارسى وتكىزدى.
كەزدەسۋ بارىسىندا قازاقستاندىق جانسەزىم ايساپار ەسەپ اشقان ەدى. دەگەنمەن ەل قۇراماسى ەكىنشى تايمدا جاۋاپسىز ەكى گول وتكىزىپ الدى. ويىننىڭ 89-مينۋتىندا قورعاۋشى كارينا بوتابەك ەكىنشى سارى قاعاز الىپ، الاڭنان قۋىلدى.
وسىلايشا قارسىلاسىنا 1:2 ەسەبىمەن ەسە جىبەرىپ، ەكىنشى مارتە جەڭىلىستىڭ اشى ءدامىن تاتتى.
ايتا كەتسەك، بۇدان بۇرىن ولار لاتۆياعا 1:3 ەسەبىمەن ۇتىلىپ قالدى. ءبىزدىڭ قۇرامادان ادينا بەيبىت گول سوقتى.
ەندى ولار 7-ساۋىردە مالتامەن شەبەرلىك بايقاسادى.
ءاربىر توپتا ءبىرىنشى ورىن العان قۇرامالار الداعى ماۋسىمدا ا ليگاسىندا باق سىنايدى. سونداي-اق پولشادا وتەتىن فينالدىق كەزەڭگە قاتىسۋعا ممۇمكىندىك الادى.
قازاقستاندىق فۋتبولشىلار ءبىرىنشى ىرىكتەۋ كەزەڭىندە رۋمىنيا مەن لاتۆيامەن 0:0 ەسەبىمەن تەڭ ويناسا، ليحتەنشتەيننەن 7:0 ەسەبىمەن باسىم ءتۇستى.
