شۆەتسيا ميگرانتتاردى ەلىنە قايتارۋ ءۇشىن 32 مىڭ ەۋرو تولەيدى

استانا. KAZINFORM - شۆەتسيا پرەمەر- ءمينيسترى ۋلف كريستەرسسون ميگرانتتاردى ەلىنە قايتارۋ ءۇشىن بولىنەتىن كومەك كولەمىن 900 ەۋرودان 32000 ەۋروعا دەيىن ارتتىرۋدى جوسپارلاپ وتىرعانىن ايتتى، دەپ حابارلايدى euronews.com.

-— ميگراتسيانى باقىلاۋ وتە قاجەت، - دەدى كريستەرسسون.

شۆەتسيا پرەمەر- ءمينيسترىنىڭ ايتۋىنشا، ەلدەن كەتۋگە قارجىلىق ىنتالاندىرۋدى ارتتىرۋ كەيبىر ماسەلەلەردى شەشۋگە كومەكتەسەدى. باسىلىمنىڭ جازۋىنشا، قازىر جاردەماقى كولەمى ەرەسەكتەر ءۇشىن 900 ەۋرونى قۇرايدى.

كريستەرسسوننىڭ ايتۋىنشا، بۇل بيۋدجەتتىك ىنتالاندىرۋ كۇتىلەتىن ناتيجەلەردى بەرمەدى. 2023 -جىلى 70 ءوتىنىمنىڭ بىرەۋى عانا ماقۇلداندى. سوندىقتان شۆەتسيا ۇكىمەتى 2026 -جىلدىڭ 1-قاڭتارىنان باستاپ قارجىلىق ىنتالاندىرۋدى %3400 عا ارتتىرۋدى جوسپارلاپ وتىر.

- ءبىز نەگىزىنەن دانيا ۇلگىسىن كوشىرىپ جاتىرمىز جانە ءوز وتانىنا ورالعىسى كەلەتىن، ءارتۇرلى سەبەپتەرمەن شۆەتسيادا تولىققاندى ءومىر سۇرە المايتىنىن سەزىنەتىندەرگە قولداۋ كولەمىن ايتارلىقتاي ارتتىرامىز، - دەدى كريستەرسسون.

شۆەتسيا پرەمەر- ءمينيسترىنىڭ ايتۋىنشا، بۇل ءادىس ەلدىڭ بارلىق تۇرعىندارىنا ۇناماۋى مۇمكىن.

- مەنىڭ ويىمشا، بۇل ءادىس كوپ ادامدار ءۇشىن ءتيىمدى بولادى دەپ ويلامايمىن، دەگەنمەن بىزدە ينتەگراتسيا ماسەلەسى بار جانە ەگەر شۆەتسيادا تۇرۋعا زاڭدى قۇقىعى بار، ءبىراق نەگىزىنەن ينتەگراتسيالانباعان ادامدار ءبىزدىڭ ءومىر سالتىمىزدى باعالاماسا، ولار، ەڭ بولماعاندا، ءوز وتاندارىنا ورالۋ تۋرالى ويلانۋى كەرەك، - دەدى كريستەرسسون.