شەتەلدىكتەر اسىراپ العان بالالاردىڭ ەشبىرى قازاقستان ازاماتتىعىن تاڭداماعان - س ءى م
استانا. KAZINFORM - سىرتقى ىستەر مينيسترلىگى Kazinform ساۋالىنا جولداعان جاۋابىندا شەتەلدىكتەر ەلىمىزدەن اسىراپ العان بالالاردىڭ ەشبىرى 18-گە تولعاننان كەيىن قازاقستان ازاماتتىعىن تاڭداماعانىن ءمالىم ەتتى.
«قازىرگى تاڭدا قازاقستاننان اسىراپ الىنعان بالالار كامەلەت جاسىنا دەيىن قوس ازاماتتىققا قۇقىلى («ق ر ازاماتتىعى تۋرالى» زاڭى، 27-باپ). ق ر شەت ەلدەردەگى مەكەمەلەرى ءاردايىم اسىراپ الىنعان بالالارمەن كەزدەسۋلەر بارىسىندا ق ر ازاماتتىعى ماسەلەسىن جانە ق ر زاڭناماسىنىڭ نورمالارىن تۇسىندىرۋگە كومەك كورسەتەدى. وكىنىشكە قاراي، كامەلەت جاسىنا تولعانداردىڭ بارلىعى شەتەل ازاماتتىعىن الۋدا. بۇگىنگى تاڭدا قازاقستان ازاماتتىعىنىڭ پايداسىنا شەتەل ازاماتتىعىنان باس تارتۋ جاعدايلارى تىركەلمەگەنىنە نازار اۋدارۋ قاجەت»، - دەپ جازىلعان جاۋاپتا.
مينيسترلىك دەرەگىنشە، شەتەلدىكتەر اسىراپ العان بالالار ءوز تاريحي وتانىنا قىزىعۋشىلىق تانىتىپ، قازاقستان ەلشىلىكتەرىنە حابارلاسۋ جاعدايلارى دا كەزدەسىپ تۇرادى.
«مۇنداي جاعدايلاردا ەلشىلىك تاراپىنان بالالارعا ءتيىستى اقپارات بەرىلىپ، ەلىمىز، سالت-ءداستۇرىمىز، قازاق ءتىلى تۋرالى كىتاپتار ۇسىنىلادى جانە ارنايى كادەسىيلار تابىستالادى. 2019-جىلى س ءى م ۇيىمداستىرۋىمەن «مەنىڭ ەلىم - قازاقستان» باعدارلاماسى شەڭبەرىندە ا ق ش، يسپانيا جانە يتاليا ازاماتتارى اسىراپ العان بالالار اسىراۋشى اتا-انالارىمەن بىرگە ەلىمىزگە شاقىرىلىپ، ولار استانا مەن الماتى قالالارىن جانە وزدەرىنىڭ تۋعان جەرلەرىن ارالاپ كوردى.
بالالاردىڭ قازاقستانعا كەلۋگە دەگەن سۇرانىسى مەن قىزىعۋشىلىعىن ەسكەرە وتىرىپ، قازىرگى تاڭدا س ءى م ۇسىنىسىمەن ۋاكىلەتتى ورگان وسى جىلى «جازعى لاگەر» ۇيىمداستىرۋدى جوسپارلاپ وتىر»، - دەلىنگەن جاۋاپتا.
اۆتور
ەسىمجان ناقتىباي
