شەتەلدىك كوزدەردەن اقشا الىپ وتىرعان قازاقستاندىقتار مەن ۇيىمدار انىقتالدى

مەملەكەتتىك كىرىستەر كوميتەتى بيىلعى ءبىرىنشى جارتىجىلدىقتا شەتەلدىك كوزدەردەن اقشا نەمەسە وزگە دە مۇلىك العان تۇلعالاردىڭ ءتىزىمىن جاريالادى، دەپ حابارلايدى قازاقپارات ءتىلشىسى.

قۇجاتقا ءار ءتۇرلى باعىتتا جۇمىس ىستەيتىن 240 ۇيىمنىڭ اتاۋى مەن ازاماتتاردىڭ ەسىمى ەنگەن. ولاردىڭ اراسىندا كەلەسىلەر بار:

- «داعدارىس ورتالىقتارى وداعى» ز ت ب؛

- «حالىقارالىق قۇقىقتىق باستاما» ق ق؛

- «ءادىل ءسوز» ءسوز بوستاندىعىن قورعاۋ حالىقارالىق قورى؛

- ادام قۇقىقتارى جانە زاڭدىلىقتى ساقتاۋ جونىندەگى قازاقستاندىق-حالىقارالىق بيۋرو؛

- قازاقستانداعى «ynternews» وكىلدىگى؛

- «ساياسي شەشىمدەر ورتالىعى» ق ق؛

- «شىراق» مۇمكىندىگى شەكتەۋلى ايەلدەر قاۋىمداستىعى ق ب؛

- «ارگو» ق ر ازاماتتىق قوعامدى دامىتۋ قاۋىمداستىعى ز ت ب؛

- «ق ر كاسىپوداقتار فەدەراتسياسى» ر ك ب؛

- «جاسىل قۇتقارۋ» ەكولوگيالىق قوعامى ق ب؛

- «ۇلتتىق مەدياتورلار پالاتاسى» رەسپۋبليكالىق ق ب؛

- «قازاقستان زياتكەرلىك مەنشىك اگەنتتىگى» ج ش س؛

- «ءبىلىم-ورتالىق ازيا» ءبىلىم بەرۋ ورتالىعى» ق ق

- «URBAN FORUM KAZAKHSTAN» ق ق؛

- ە. تاتىشيەۆ اتىنداعى «ەرجان» قورى جانە تاعى دا باسقالار.

سونىمەن قاتار شەتەلدىك كوزدەردەن قارجى الاتىن تۇلعالاردىڭ تىزىمىنە اينۇر كوسكينا، دينارا ەگەۋبايەۆا، دميتري دۋبوۆيتسكي سياقتى تانىمال جۋرناليستەر كىرگەن.

ۆەدومستۆودان ءمالىم ەتكەندەي، جاريالانعان دەرەكتەر قۇپيا مالىمەت سانالمايدى.

«2018-جىلدان باستاپ سالىق كودەكسىنە شەت مەملەكەتتەردەن، شەتەلدىكتەردەن، حالىقارالىق جانە شەتەلدىك ۇيىمداردان اقشا نەمەسە وزگە دە مۇلىك العان تۇلعالاردىڭ مەملەكەتتىك كىرىستەر ورگاندارىنا ەسەپتىلىك بەرۋى تۋرالى تالاپ ەنگىزىلدى. 2022-جىلى سالىق كودەكسىنىڭ 29-بابىنا وزگەرىس ەنگىزىلدى، وعان سايكەس مەملەكەتتىك كىرىستەر كوميتەتى ءوزىنىڭ ينتەرنەت-رەسۋرسىندا شەتەلدىك كوزدەردەن اقشا نەمەسە وزگە دە مۇلىك العان تۇلعالاردىڭ ءتىزىلىمىن جاريالايدى. بۇل تۇزەتۋ ازاماتتاردىڭ مەملەكەتكە دە، ۇكىمەتتىك ەمەس ۇيىمدارعا دا سەنىمىنىڭ دەڭگەيىن ارتتىرۋعا باعىتتالعان. اتالعان نورمالاردى ىسكە اسىرۋ ماقساتىندا قارجى مينيسترلىگى ءتيىستى قاعيدالاردى بەكىتتى، تىزىلىمدە شەتەلدىك كوزدەردەن اقشا نەمەسە وزگە دە مۇلىك العان تۇلعالاردىڭ اتاۋى مەن سايكەستەندىرۋ ءنومىرى (ب س ن/ج س ن) كورسەتىلەدى. سالىق كودەكسىنىڭ 30-بابىنا سايكەس سالىق تولەۋشىنىڭ اتاۋى مەن سايكەستەندىرۋ ءنومىرى سالىقتىق قۇپيا بولىپ تابىلمايدى»، - دەپ تۇسىندىرمە بەردى مەملەكەتتىك كىرىستەر كوميتەتىنىڭ باسپا ءسوز قىزمەتىنەن.