20:15, 19 - جەلتوقسان 2023 | GMT +5
شەتەلدىك كولىكتى اكەلەردە ەلەكتروندى ءتولقۇجات جۇيەسىنەن اقپارات قاجەت ەمەس
ۇكىمەت باسقا مەملەكەتتىڭ قۇزىرەتتى ورگانىندا تىركەلگەن كولىكتەردى قازاقستان اۋماعىنا اكەلۋ ەرەجەلەرى مەن تالاپتارىنا ءتيىستى تولىقتىرۋ ەنگىزدى.
قاعيدالارعا ەنگىزىلگەن وزگەرىستەرگە سايكەس، شەتەلدىك اۆتوكولىكتى قازاقستانعا اكەلۋ ءۇشىن ونىڭ ەلەكتروندى ءتولقۇجات جۇيەسىنەن مالىمەتتەر ۋاقىتشا تالاپ ەتىلمەيدى.
بۇل شارا ەۋرازيالىق ەكونوميكالىق وداققا مۇشە مەملەكەت كولىكتەرى ەلەكتروندى پاسپورتتىق جۇيەلەرىنىڭ (كولىك شاسسيىنىڭ پاسپورتتارى) جانە ءوزى جۇرەتىن كولىكتەردىڭ ەلەكتروندى پاسپورتتارىنىڭ، باسقا دا تەحنيكا تۇرلەرىنىڭ ينتەگراتسيالىق پروتسەستەرى اياقتالعانعا دەيىن ەنگىزىلىپ جاتىر، - دەلىنگەن حابارلامادا.
قاۋلى 2023-جىلعى 8- جەلتوقساندا كۇشىنە ەندى.
