شەتەلدىك جانكۇيەرلەر جانىبەك ءالىمحان ۇلىن جازالاۋدى تالاپ ەتتى

استانا. kazinform - جانىبەك ءالىمحان ۇلىنىڭ ەكى بىردەي چەمپيوندىق تيتۋلدىڭ تاعدىرىن شەشەتىن اندرەي ميحايلوۆيچكە قارسى جەكپە-جەگى وتپەي قالدى. بۇعان جانىبەكتىڭ «سالماق قۋۋعا» بايلانىستى جەكپە-جەكتەن بىرنەشە كۇن بۇرىن اۋرۋحاناعا جاتقىزىلۋى سەبەپ بولدى، دەپ جازادى Sport.kz

شەتەلدىك بوكس اۋەسقويلارى، سونىڭ ىشىندە اندرەيدىڭ جانكۇيەرلەرى بۇل جاعدايعا ۇندەمەي قالا المادى.

كوبىسى قازاقستاندىققا تەزىرەك ساۋىعىپ كەتۋدى تىلەسە، باسىم كوپشىلىگى جانىبەك پەن ونىڭ كومانداسىنىڭ ارەكەتى كاسىبيلىككە جاتپايتىنىن ايتىپ، سىنعا الدى.

بوكس اۋەسقويلارىنىڭ تاعى ءبىر بولىگى بۇل «سالماق قۋۋدىڭ» جەكپە-جەك ونەرىندەگى بۇرىننان كەلە جاتقان ماسەلە ەكەنىن ايتتى، سودان كەيىن جانىبەككە جوعارى سالماق دارەجەسىنە ءوتۋدى ۇسىندى.

اندرەي ميحايلوۆيچتىڭ كەيبىر جانكۇيەرلەرى جانىبەك اندرەيمەن جەكپە-جەكتەن قاشۋ ءۇشىن جانە اتاقتارىن جوعالتپاۋ ءۇشىن ادەيى سالماعىن كوتەرە المادى دەگەن پىكىر قالدىردى.

ەستەرىڭىزگە سالا كەتەيىك، جانىبەك اندرەي ميحايلوۆيچكە قارسى وتەتىن جەكپە-جەك الدىندا ەسىنەن تانىپ قالعان بولاتىن.

ارتىنشا پروموۋتەر جانىبەك ءالىمحان ۇلىنىڭ اۋرۋحاناعا ءتۇسىپ قالۋىنا قاتىستى مالىمدەمە جاسادى.

كەيىن جانىبەك ءوزى جاعدايى تۋرالى جازبا جاريالادى.

جانىبەك ءالىمحان ۇلىنىڭ قارسىلاسى ميحايلوۆيچ وتپەي قالعان جەكپە-جەك تۋرالى رەنىشىن بىلدىرگەن ەدى.

اۆتورەركەجان سماعۇلوۆا