شەتەلدىك ازاماتتارعا ج س ن بەرۋ ءتارتىبى وزگەرەدى: eResidency باعدارلاماسى ىسكە قوسىلدى

استانا. قازاقپارات - 2026-جىلعى 1-قاڭتاردان باستاپ ق ر شەت ەلدەردەگى مەكەمەلەرى شەتەلدىك ازاماتتارعا ج س ن بەرۋدى توقتاتادى. بۇل تۋرالى رەسەيدەگى قازاقستان ەلشىلىگى حابارلادى.

- شەتەلدىك ازاماتتارعا جەكە سايكەستەندىرۋ ءنومىرىن بەرۋ جونىندەگى اعىمداعى پيلوتتىق جوبانىڭ قولدانىلۋ مەرزىمى 2025-جىلعى 31-جەلتوقساندى قوسا العانعا دەيىن بەلگىلەنگەنىن حابارلايمىز.

2026-جىلعى 1-قاڭتاردان باستاپ ق ر شەت ەلدەردەگى مەكەمەلەرى شەتەلدىك ازاماتتارعا ج س ن بەرۋدى توقتاتادى.

سونىمەن قاتار، قازاقستان رەسپۋبليكاسىنىڭ ۋاكىلەتتى مەملەكەتتىك ورگاندارى قازاقستان رەسپۋبليكاسىنا بارماي-اق ونلاين-فورماتتا شەتەل ازاماتتارى ءۇشىن مەملەكەتتىك قىزمەتتەر مەن سەرۆيستەردى الۋ مۇمكىندىگىن، ونىڭ ىشىندە ج س ن قامتيتىن سيفرلىق ID- كارتانى الۋدى كوزدەيتىن eResidency باعدارلاماسىن ەنگىزگەنىن حابارلايمىز، - دەلىنگەن رەسەيدەگى قازاقستان ەلشىلىگى تاراتقان حابارلامادا.

باعدارلاما شەتەلدىكتەرگە قازاقستاندا رەسمي سيفرلىق مارتەبە الۋعا مۇمكىندىك بەرەدى، ول ەلىمىزدىڭ بيزنەس-مۇمكىندىكتەرى مەن ونلاين-سەرۆيستەرىنە قولجەتىمدىلىكتى اشادى.

اتالعان باعدارلاما كەلەسى قىزمەتتەردى الۋعا مۇمكىندىك بەرەدى:

* جەكە سايكەستەندىرۋ ءنومىرى (ج س ن) بار سيفرلىق ID- كارتانى الۋ؛

* قور نارىقتارىنا، كريپتو بيرجالارعا، قازاقستاندىق ءنومىرى بار eSIM- گە قول جەتكىزۋ؛

* ەلەكتروندىق سيفرلىق قولتاڭبانى جانە ساقتاندىرۋ قىزمەتتەرىن رەسىمدەۋ؛

* قازاقستاندىق كارتالاردى پايدالانا وتىرىپ، ونلاين بانكتىك شوتتار اشۋ؛

* بارلىق تولەم قىزمەتتەرىنىڭ سالىقتىق رەزيدەنتتىگىن جانە ەكۆايرينگىن الۋ مۇمكىندىگى.

جوعارىدا ايتىلعانداردىڭ نەگىزىندە، شەتەل ازاماتتارىنا جسن الۋ ماسەلەلەرى بويىنشا بارلىق تولىق اقپارات قولجەتىمدى بولاتىن رەسمي سايتىنا جۇگىنۋ ۇسىنىلادى.

ايتا كەتەلىك س ق و- دا شەتەل ازاماتتارىنا زاڭسىز ج س ن بەرۋ دەرەكتەرى انىقتالدى.