شەتەلدەگى قازاقستاننىڭ ديپلوماتتارى تەكسەرۋدەن وتەدى –س ءى م
استانا. KAZINFORM - شەتەلدەگى قازاقستاننىڭ ديپلوماتتارى تەكسەرۋدەن وتەدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى.
«جىل سايىن شەتەلگە شىعار الدىندا مينيسترلىك قىزمەتكەرلەرى ارنايى تەستىلەۋدەن، ءتۇرلى كوميسسيادان، سونداي-اق پسيحولوگيالىق تەكسەرۋدەن وتەدى. مەملەكەتتىك قىزمەت ىستەر اگەنتتىمەن بىرلەسە بۇل جۇمىستى قولعا الدىق. سوندىقتان بارلىق قىزمەتكەر پسيحولوگيالىق جانە ەموتسيونالدىق تۇرعىدان ارنايى تەستىدەن تاعى دا وتەدى»، - دەدى ا. سمادياروۆ مينيسترلىكتەگى باسپا ءسوز ءماسليحاتىندا تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، ديپلوماتيالىق جۇمىستىڭ سيپاتىنا قاراي ءار قىزمەتكەر تەكسەرىستەن ءوتۋى كەرەك.
بۇدان بۇرىن حابارلانعانداي، سىرتقى ىستەر مينيسترلىگىنىڭ رەسمي وكىلى ايەلىن ۇردى دەپ كۇدىككە ىلىنگەن قازاقستاننىڭ ب ا ءا- دەگى ەلشىلىگىندەگى كەڭەسشى ساكەن ماماشقا قاتىستى تۇسىنىك بەردى.
قىزمەتىنەن بوساتىلعان س. ماماش ديپلوماتيالىق سالادا 15 جىلدان استام جۇمىس ىستەگەن.
