شەتەلدەگى قازاقستان ازاماتتارىنىڭ ءتولقۇجاتىن رەسىمدەۋ جەڭىلدەدى

شەتەلدە قۇجاتتاردى تىركەۋ، كونسۋلدىق ەسەپكە قويۋ قىزمەتتەرى اۆتوماتتاندىرىلدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى Kazinform.

мид
Фото: Фото: МИД РК

«قازاقستاننىڭ سىرتقى ىستەر مينيسترلىگى حالىققا قىزمەت كورسەتۋدىڭ ساپاسىن ارتتىرۋ ءۇشىن مەملەكەتتىك قىزمەتتەردى اۆتوماتتاندىرۋ جانە وڭتايلاندىرۋ بويىنشا ءبىرقاتار شارا قابىلدادى. قازاقستان ازاماتتارىنا مەملەكەتتىك قىزمەتتەردى الۋ بارىنشا ىڭعايلى بولۋ ءۇشىن قازىر ەلىمىزدىڭ شەت مەملەتتەردەگى مەكەمەلەرىندە «egov.kz» پورتال ارقىلى كورسەتىلەتىن 17 قىزمەتتىڭ 10 ى ىسكە قوسىلدى. شەتەلدە ازاماتتىق حال اكتىلەرىن تىركەۋ، جەكەلەگەن ساناتتاعى ەلەكتروندىق ۆيزالاردى بەرۋ، كونسۋلدىق ەسەپكە قويۋ جانە الۋ، شەتەلدە ەتسق الۋ، سونداي-اق قازاقستانداعى شەتەلدىك ينۆەستورلىق قىزمەتپەن بايلانىستى ەلەكتروندىق ءوتىنىش بەرۋ پروتسەسى اۆتوماتتاندىرىلدى. ازاماتتاردىڭ سۇرانىستارىن قاراستىرۋ ۋاقىتىن قىسقارتۋ ماقساتىندا مەملەكەتتىك اقپاراتتىق جۇيەلەر بەلسەندى قولدانىلادى. بۇل شارا شەتەلدەگى قازاقستان ازاماتتارىنىڭ پاسپورتتارىن رەسىمدەۋ مەرزىمىن، قازاقستان ازاماتتىعىن، وتباسىلىق جاعدايىن جانە باسقا دا سۇرانىستاردى راستاۋدى 3 ايدان 1,5 ايعا دەيىن قىسقارتۋعا مۇمكىندىك بەردى. «Vmp.gov.kz» ۆيزالىق-كوشى-قون پورتالى ارقىلى ەلگە ورالۋعا ارنالعان كۋالىكتى رەسىمدەۋ پروتسەسىن اۆتوماتتاندىرۋ بويىنشا جۇمىس جۇرگىزىلىپ جاتىر»، - دەدى ا. سمادياروۆ ۆەدومستۆودا وتكەن باسپا ءسوز ءماسليحاتىندا.

ونىڭ ايتۋىنشا، قازاقستاننىڭ شەت ەلدەگى 66 مەكەمەسىندە قازاقستان ازاماتتارىنا ىڭعايلى بولۋ ءۇشىن ە ت س ق بەرۋ جانە «ەلەكتروندىق ۇكىمەت» پورتالىنىڭ بارلىق قىزمەتتەرىنە قول جەتكىزۋ جۇزەگە اسىرىلادى. ءقازىر وسى قىزمەتكە قوسىمشا 22 كونسۋلدىق مەكەمەنى قوسۋ بويىنشا جۇمىس جالعاسىپ جاتىر. «ۇلتتىق اقپاراتتىق تەحنولوگيالار» ا ق- مەن بىرلەسىپ كونسۋلدىقتارعا بارۋدى جوسپارلاۋ جانە ۇزىن-سونار كەزەكتى بولدىرماۋ ءۇشىن ونلاين-برونداۋ سەرۆيستەرى ازىرلەندى. بۇل سەرۆيس ەلىمىزدىڭ شەت ەلدەگى 84 مەكەمەسىندە جۇمىس ىستەيدى.

«سونىمەن قاتار «egov.kz» پورتالىندا كونسۋلدىق قىزمەتتەر ءبولىمى قۇرىلىپ، بۇل ەلەكتروندىق تۇردە قىزمەت كورسەتۋگە (وتىنىمدەردى جىبەرۋگە) ، كەز كەلگەن كەزەڭدە ءوتىنىمدى وڭدەۋدى باقىلاۋعا مۇمكىندىك بەرەدى. ازاماتتاردىڭ وتىنىشتەرىن «ە- ءوتىنىش» پورتالى ارقىلى تىكەلەي شەتەلدەگى مەكەمەلەردە قاراۋعا مۇمكىندىك بەرىلدى. بۇل ءوتىنىش بەرۋشىلەرگە جاۋاپ دايىنداۋ ۋاقىتىن قىسقارتادى. قازىر پورتالعا 31 شەتەلدىك مەكەمە قوسىلعان. بيىلعى قازان ايىنىڭ سوڭىنا قاراي بارلىق قالعان شەتەلدىك مەكەمەلەردى قوسۋ جوسپارلانعان»، - دەدى رەسمي وكىل.

سوڭعى جاڭالىقتار