شەتەلدەگى قازاق بالالارى بۋرابايدا دەمالادى
استانا. KAZINFORM - دۇنيەجۇزى قازاقتارى قاۋىمداستىعىنىڭ ۇيىمداستىرۋىمەن، وقۋ-اعارتۋ مينيسترلىگىنىڭ قولداۋىمەن «بالداۋرەن» بالالاردى ساۋىقتىرۋ ورتالىعىنا شەتەلدەگى قازاق بالالارى كەلىپ دەمالادى.
بۇل تۋرالى قازاقپارات تىلشىسىنە دۇنيەجۇزى قازاقتارى قاۋىمداستىعى ءتوراعاسىنىڭ كەڭەسشىسى قارلىعاش بەكپاتشا قىزى ايتىپ بەردى.
- بۇل جوبا، 2003-جىلى جەتى بالادان باستالعان بولاتىن. 2017-جىلى وتكەن سوڭعى بەسىنشى قۇرىلتايدان كەيىن قاۋىمداستىق ءتوراعاسىنىڭ ءبىرىنشى ورىنباسارى زاۋىتبەك قاۋىسبەك ۇلى مينيسترگە كىرىپ، بەرىلگەن كۆوتا سانىن كوبەيتۋگە ىقپال ەتتى. بيىلعى جازعى دەمالىسقا 288 بالا كەلۋ جوسپارلانعان. الدىڭعى تاجىريبەلەرگە سۇيەنە وتىرىپ بەرىلگەن كۆوتا شەتەلدەگى قازاق دياسپوراسىنا كەلەسى تارتىپپەن بولىنگەن ەدى: رەسەي – 55، مونگوليا – 55، وزبەكستان – 55، تاجىكستان – 10، قىتاي – 55، قىرعىزستان – 35، ەۋروپا – 4، تۇركيا – 5، اۋعانستان – 5، ساۋد ارابياسى – 5، تۇركىمەنستان – 2، يران - 2. الايدا الەمدەگى تۇراقسىزدىققا بايلانىستى ەۆروپا مەن تۇركيادا تۇراتىن بالالار كەلمەيتىن بولدى، - دەيدى قارلىعاش بەكپاتشا قىزى.
ونىڭ ايتۋىنشا شاراعا جولداما العان بالالار ونەر، ءبىلىم، سپورت باعىتى بويىنشا ىرىكتەلگەن دەگەن كىل مىقتىلار.
- ءوتىنىش بىلدىرگەن قانداستاردىڭ ىشىنەن جەتىستىگى بار، ءارتۇرلى سالا بويىنشا جۇلدە العان دارىندى بالالار ىرىكتەلەدى. شارانىڭ باستى ماقساتى - شەتەلدەگى قازاق بالالارىن اتاجۇرتىمەن بايلانىستىرۋ. قازاق ۇلتىنىڭ بولىمىس، ءبىتىمىن، سالت-ءداستۇرىن، ءتىلى-ءدىنىن تەرەڭدەي تۇسىنۋگە كومەكتەسۋ. سول ارقىلى ولاردىڭ بولاشاقتا ەلگە كەلىپ، وقىپ، وسىندا ءبىر كىسىلىك ەڭبەك ەتۋىنە جول اشۋ، - دەيدى قارلىعاش بەكپاتشا قىزى
ايتا كەتەيىك، 2025-جىلعى 7-21-شىلدە ارالىعىندا «بالداۋرەن» رەسپۋبليكالىق وقۋ-ساۋىقتىرۋ ورتالىعىندا «مەن Qazaqryn» حالىقارالىق بالالار قۇرىلتايى (اقمولا وبلىسى، بۋراباي اۋدانى) وتەدى.
بۇعان دەيىن يران مەن قىتايدان ورالعان قانداستاردىڭ تەرىسكەيدەگى تىنىس-تىرشىلىگى تۋرالى جازعانبىز.
