شەتەلدەن تاۋار اكەلەتىن جەكە تۇلعالارعا قانداي شەكتەۋلەر بار

 Шетелден тауар әкелетін жеке тұлғаларға қандай шектеулер бар
Фото: Мухтор Холдорбеков/Kazinform

استانا. KAZINFORM - شەكارادان تاۋارلاردى وتكىزگەندە ونىڭ قايسىسى جەكە پايدالانۋعا ارنالعان بولىپ ەسەپتەلەدى جانە وعان قاتىستى قانداي شەكتەۋلەر بار؟

بۇل ساۋالعا مەملەكەتتىك كىرىستەر كوميتەتى ساۋدالىق ەمەس اينالىم باسقارماسىنىڭ باس ساراپشىسى قۋات قالداشيەۆ جاۋاپ بەردى.

«ەۋرازيالىق ەكونوميكالىق وداقتىڭ كەدەندىك شەكاراسى ارقىلى جەكە پايدالانۋعا ارنالعان تاۋارلاردى وتكىزۋ ءتارتىبى مەن شارتتارىنىڭ ەرەكشەلىكتەرى قازاقستان رەسپۋبليكاسىنىن كەدەندىك كودەكسىنىڭ 39-تاراۋىندا ايقىندالعان. كەدەن وداعىنىڭ كەدەندىك شەكاراسى ارقىلى جەكە تۇلعالار وتكىزەتىن تاۋارلاردى جەكە پايدالانۋعا ارنالعان تاۋارلاردىڭ بەلگىلەنگەن ءتىزىمى بار»، - دەدى قۋات قالداشيەۆ كوميتەتتە وتكەن بريفينگىدە.

سونداي-اق، كىرىستەر كوميتەتىنىڭ وكىلى تاۋارلاردىڭ مولشەرلى كولەمىن اتاپ ءوتتى.

- اڭ تەرىسىنەن جاسالعان بۇيىمدار (ونىڭ ىشىندە باس كيىم دە بار) ادام باسىنا 1 زاتتان اسپاۋى ءتيىس؛

- ۇيالى تەلەفون (سمارتفون) - ءبىر ادامعا 2 بىرلىك؛

- پلانشەت - ءبىر ادامعا 2 بىرلىك؛

- پورتاتيۆتى تاسىمالداناتىن كومپيۋتەرلەر (نوۋتبۋك، نەتبۋك) جانە ولاردىڭ كەرەك-جاراقتارى - ءبىر ادامعا 1 (ءبىر) بىرلىك؛

- زەرگەرلىك بۇيىمدار - ءبىر ادامعا 5 زات؛

- ۆەلوسيپەد - ءبىر ادامعا 1 دانا؛

- بالا ارباسى - ءبىر ادامعا 1 دانا؛

«كەدەن وداعىنىڭ كەدەندىك شەكاراسى ارقىلى جەكە تۇلعانىڭ ءوتۋى نەمەسە ونىڭ تاۋارلاردى وتكىزۋ جيىلىگى ايىنا 1 رەتتەن اسپاۋى ءتيىس»، - دەپ تولىقتىردى ساراپشى.

سوڭعى جاڭالىقتار