شەتەلدەن اكەلىنگەن كولىكتەردى زاڭسىز تىركەۋمەن اينالىسقان قىلمىستىق توپ مۇشەلەرى سوتتالدى

استانا. KAZINFORM - بيىل 25-ساۋىردە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى زاڭنامادا كوزدەلگەن الىمدار مەن تولەمدەردى تولەمەي، شەتەلدەن اكەلىنگەن اۆتوكولىكتەردى تىركەۋ ەسەبىنە زاڭسىز قويۋمەن اينالىساتىن ارنايى ح ق ك و (حالىققا قىزمەت كورسەتۋ ورتالىعى) ماماندارى مەن پوليتسيا قىزمەتكەرلەرىنە جانە ازاماتتىق تۇلعالارعا قاتىستى ۇكىم جاريالادى.

«ولار ۇيىمداسقان توپ قۇرىپ، باسشىلىق جاساۋ، مەملەكەتكە زالال كەلتىرۋ، «Web-مودۋل» ق ك و» جانە «ح ق ك و ي ا ج» اقپاراتتىق جۇيەلەرىندە كولىك قۇرالدارى تۋرالى مالىمەتتەردى زاڭسىز ەنگىزۋ جانە جويۋ، مامىلەلەردىڭ جازباشا نىساندارىن قولدان جاساۋ بويىنشا ايىپتى دەپ تانىلدى. 2022 -جىلدىڭ قاڭتارىنان مامىرىنا دەيىن قىلمىستىق توپ شەتەلدەن اكەلىنگەن 462 اۆتوكولىكتى زاڭسىز تىركەگەن. مەملەكەتكە كەلتىرىلگەن جالپى شىعىن 1,2 ميلليارد تەڭگەنى قۇرايدى»، - دەپ حابارلايدى انتيكور.

سوت ۇكىمىمەن 32 ادام سوتتالعان. ونىڭ ىشىندە قىلمىستىق توپتىڭ ۇيىمداستىرۋشىلارى - استانا قالاسىنىڭ №2 مامانداندىرىلعان ح ق ك و باسشىسى ش. بوكەبايەۆ پەن استانا قالاسىنىڭ ارنايى ح ق ك و ماماندارى ا مەن ح 9 جىلعا باس بوستاندىعىنان ايىرىلدى، توپتىڭ 5 قاتىسۋشىسىنا 6 جىل باس بوستاندىعىنان ايىرۋ، ال 17 «كومەكشىگە» باس بوستاندىعىنان ايىرۋ جانە شەكتەۋ تۇرىندەگى جازا تاعايىندالعان.

«سونداي-اق، 7 ادام 2 جىل 6 ايدان باستاپ باس بوستاندىعىن شەكتەۋدەن 3 جىل 6 ايعا دەيىن باس بوستاندىعىنان ايىرۋ جازاسىنا كەسىلدى. ولار ارنايى اتاقتارىنان جانە ءومىر بويى مەملەكەتتىك قىزمەتتە قىزمەت ەتۋ قۇقىعىنان ايىرىلدى. سوت پروتسەسى استانا قالاسى پوليتسيا دەپارتامەنتىنىڭ جەكە قۇرامىنىڭ، سونداي-اق استانا قالاسى ارنايى ح ق ك و قىزمەتكەرلەرىنىڭ قاتىسۋىمەن ءوتتى»، - دەلىنگەن حابارلامادا.

ۇكىم زاڭدى كۇشىنە ەنگەن جوق.

سونىمەن قاتار، تەرگەۋ بارىسىندا ارنايى ح ق ك و مامانى كولىك قۇرالدارى يەلەرىنىڭ قولتاڭبالارىن قولدان جاساۋ فاكتىلەرى اۆتوكولىكتەردى ساتىپ الۋ-ساتۋ مامىلەلەرىنىڭ جازباشا نىساندارىندا انىقتالدى.

قىلمىستىق- پروتسەستىك كودەكستىڭ 200-بابى تارتىبىندە ەنگىزىلگەن «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- عا ۇسىنىمنىڭ ناتيجەسىندە اۆتوموبيلدەردى تىركەۋ قاعيدالارىنا اۆتوكولىك يەسىنىڭ ەتسق- كىلتىن مىندەتتى تۇردە پايدالانا وتىرىپ، مامىلەلەردىڭ ەلەكتروندىق نىسانىنان جازباشا نىساندى الىپ تاستاۋ تۋرالى وزگەرىستەر ەنگىزىلدى.

مۇنداي وزگەرىس اۆتوكولىكتەردى ساتىپ الۋ-ساتۋ شارتىن جاساسۋ كەزىندە اۆتو يەلەرىنىڭ قولدارىن قولدان جاساۋ بولىگىندە جەمقورلىق تاۋەكەلدەرىن بولدىرمايدى.

سونىمەن قاتار، ارنايى ح ق ك و مەن ءى ءى م- دە اۆتوكولىكتى تىركەۋ بويىنشا جاڭا اقپاراتتىق جۇيەلەر ىسكە قوسىلدى. وتىنىمدەردى رەسىمدەۋ جانە قاراۋ كەزىندە دەرەكتەردى تۇزەتۋ ءۇشىن مۇمكىندىكتەر الىنىپ تاستالدى. ەندى تەك اكىمشىلىك پوليتسيا كوميتەتى وزگەرىستەر ەنگىزە الادى.

وتىنىمدەردى تىركەۋ ءراسىمى جەڭىلدەتىلدى. ەندى بۇل ءۇشىن تەك ج س ن ەنگىزۋ قاجەت، ال قالعان دەرەكتەر باسقا اقپاراتتىق جۇيەلەردەن اۆتوماتتى تۇردە تولتىرىلادى. بۇل رەتتە جۇيەنىڭ ءوزى ەكىنشى دەڭگەيدەگى بانكتەردىڭ تۇبىرتەكتەرىن، مىندەتتى تولەمدەرىن جانە ايىپپۇلدارىن تولەۋدى تەكسەرەدى.

2022 -جىلى 9,4 مىڭ اۆتوكولىكتى تىركەگەنى ءۇشىن 10,6 ميلليارد تەڭگە جينالدى، 2023 -جىلى زاڭداستىرۋدى ەسكەرە وتىرىپ، 10,2 مىڭ اۆتوكولىكتى تىركەگەن كەزدە 91,3 ميلليارد تەڭگە ءتۇستى. اتالعان تاۋەكەلدەردى جويۋ ناتيجەسىندە وتكەن جىلى بيۋدجەتكە تۇسكەن ءتۇسىم 9 ەسەگە ۇلعايدى.

جالپى، جاڭا اقپاراتتىق جۇيەلەردى ەنگىزۋ وسى سالاداعى بارلىق قىزمەتكە وڭ اسەرىن تيگىزدى.

اۆتور

داۋلەت ىزتىلەۋ