شەت ءتىلىن ۇيرەنە الماي جۇرگەندەردىڭ 5 سىلتاۋى
استانا. قازاقپارات -ادام بالاسى وزگە ءتىلدى ۇيرەنەر كەزدە ونى نە سەبەپتى ۇيرەنۋدىڭ قاجەت ەمەس ەكەندىگىن ىزدەيدى. بۇل جالقاۋ اعزانىڭ قالىپتى رەاكسياسى. ءدال وسى سەكىلدى فيتنەسكە نەمەسە كىتاپحاناعا بارۋعا ەرىنەمىز. ولاي بولسا ەڭ قاراپايىم سىلتاۋلاردان باستايىق.
الەم اعىلشىن نەمەسە ورىس تىلىندە سويلەيدى
و، بۇل، راسىمەن دە، شىندىق. ءتىل بىلمەسەڭىز، قاراپايىم چەرنوگور ايماعىنداعى، انتالياداعى دەمالىس كۇلكىلى وقيعالارعا تولى بولۋى مۇمكىن. ال فرانسيادا، ءتىپتى، اعىلشىن ءتىلىنىڭ ءوزى قۇتقارا الماي قالادى. فرانسۋزداردىڭ تىلدىك ءسنوبيزمى تۋرالى ەستىگەن شىعارسىز. ياعني ولاردىڭ اعىلشىن ءتىلىن ۇناتپايتىندىعىن. ايتپاقشى، فرانسيالىق مازىردەگى كوفە، اعىلشىندىق مازىرگە قاراعاندا ارزان. حالقىمىز «وزگە ءتىلدىڭ ءبارىن ءبىل، ءوز ءتىلىڭدى قۇرمەتتە» بەكەر ايتپاعان.
مەنى Google Translate قۇتقارادى!
بىلايىنشا سوزدەردى اۋدارۋعا كومەگى زور، ءبىراق سويلەمدەردىڭ قوسىمشاسىن دۇرىس اۋدارمايدى. مىسالى «مەن وسى جازدا اۋىلعا بارعىم كەلەدى» دەپ جازعىڭىز كەلسە،Google Translate ونى «مەن وسى جاز اۋىل بارۋ كەلەدى» دەپ اۋدارادى. ال باسقا تىلدەرگە قاتىستى وپەراتسيانى Google Translate مۇلدەم وڭدەي الماي قالۋى مۇمكىن.
ءبىزدىڭ ءسىز ءۇشىن وتە جاقسى جاڭالىعىمىز بار. شەت ءتىلىن مەڭگەرۋ ءسىز ويلاعاننان دا وڭاي. ونى، راسىمەن دە، بىرنەشە جىل بويى وقۋعا بولادى. الايدا دەن قويىپ وقيتىن بولساڭىز، ارنايى كۋرسقا بارۋدىڭ دا قاجەتى بولمايدى. وكىنىشكە وراي، ءبىلىمسىز نەمەسە قىزىعۋشىلىقتى ارتتىرمايتىن كىتاپتار وتە كوپ. دەسە دە كەز كەلگەن ءتىلدى 2 - جىلدىڭ ىشىندە جوعارى دەڭگەيدە مەڭگەرىپ الۋعا بولادى.
ەگەر ءسىز شەت ءتىلىن مەڭگەرۋدى بىرنەشە رەت باستاپ، جولىڭىز بولماعان بولسا، كەلەسى جولى مىندەتتى تۇردە جولىڭىز بولادى. Skype ءمۇعالىم نەمەسە تەلەفونىڭىزعا LinguaLeo باعدارلاماسىن ورناتىڭىز.
ءتىلدى تەك سول تىلدە سويلەيتىندەردىڭ ورتاسىندا تۇرۋ ارقىلى عانا مەڭگەرۋگە بولادى
بۇل دا دوسىنىڭ «Work and Travel» باعدارلاماسى ارقىلى بارىپ، شەت ءتىلىن جوعارى دەڭگەيدە مەڭگەرىپ العانىن ەستىگەننەن كەيىن شىعارىلعان اڭىز.
ماعان كىتاپ وقىپ، شەت تىلىندەگى باعدارلامانى كورۋدىڭ قاجەتى جوق
سەبەبى ونىڭ بارلىعى دا انا تىلىمىزگە اۋدارىلعان. دەسە دە اۋدارماشىلاردىڭ ەش ەرىنبەي بارلىعىن سول كۇيىندە جەتكىزەتىندىگىنە كىم كەپىل؟
شەت ءتىلىن مەڭگەرۋ پروتسەسى مەنى جالىقتىرادى
ادام بەكەر جالىقپايدى. ارينە، بۇل قۇبىلىسپەن كۇرەسۋ قيىن. مۇمكىن ساعان بار بولعانى جاڭا مۇعالىم ۇنامايتىن شىعار. مۇمكىن الدىڭىزعا ماقساتتى دۇرىس قويماعان بولارسىز. وقۋىڭىزدى قىزىقتى ويىنعا اينالدىرىڭىز. ءتىل الماساتىن interpals.org نەمەسە ۇيرەتەتىن lingualeo.com, busuu.com سىندى سايتتارعا كىرۋدى ۇمىتپاڭىز.
الدىڭىزدا كوپ مۇمكىندىكتىڭ ەسىگىن اشاتىن ماقساتىڭىزدان باس تارتپاڭىز. ءتىلدى مەڭگەرمەۋدىڭ سەبەبىن ىزدەگەنشە، ونى ۇيرەنۋگە ۇمتىلىڭىز. ءسىز كوپ كومەگىن كورسەتىپ جاتىر دەگەن Google Translate سىندى باعدارلامالار كەرىسىنشە زيان تيگىزۋدە. ولاي بولسا، وقىرماندارعا ىسكە ءسات دەيمىز!
دايىنداعان: قارلىعا بۇيەنباي
massaget.kz
