شەرزات پولاتتىڭ ءىسى بويىنشا سوتتالعاندار اپەللياتسيالىق شاعىم ءتۇسىردى

الماتى. KAZINFORM - زارداپ شەككەن تاراپتىڭ ادۆوكاتى مەيىرمان شەكەيەۆ شەرزات پولات ءىسى بويىنشا سوتتالعانداردىڭ جەتەۋى اپپەلياتسيالىق شاعىم تۇسىرگەنىن مالىمدەدى.

ادۆوكاتتىڭ ايتۋىنشا، 21- ماۋسىمدا ۇكىم زاڭدى كۇشىنە ەندى. سوت شەشىمىمەن تانىسقان كۇننەن باستاپ سوتتالعاندار مەن ولاردىڭ قورعاۋشىلارىنا ۇكىمگە شاعىمدانۋعا 15 كۇن بەرىلەدى.

- قازىرگى تاڭدا بىزگە بەلگىلىسى - سوتتالۋشىلار بەلعوجايەۆ پەن دۋمان ىسقاقتان باسقاسى اپەللياتسيالىق شاعىم بەرگەن. وسىعان بايلانىستى ءبىز بولاشاقتا حابار بەرىپ وتىرامىز. قاي كۇنگە بەلگىلەنەتىنى جاقىن ارادا بەلگىلى بولادى، - دەدى م. شەكەيەۆ. ەسكە سالا كەتەيىك، شەرزات ءىسى بويىنشا 5 - ماۋسىم كۇنى 9 كۇدىكتىگە قاتىستى سوت ۇكىمى شىققان ەدى.

ابزال شىناسىل - 23 -جىلعا، ال راۆيل ساكيەۆ - 20 -جىلعا باس بوستاندىعىنان ايىرىلدى. قالعان جەتى ادام بۇزاقىلىق ءۇشىن 1,5 جىلدان 15 جىلعا دەيىنگى مەرزىمگە سوتتالدى.

بۇعان دەيىن ىشكى ىستەر ءمينيسترىنىڭ ورىنباسارى سانجار ءادىلوۆ تالعارداعى رەزونانستى وقيعادان كەيىن جۇمباق جاعدايدا قايتىس بولعان نۇرعانات عايىپبايەۆتىڭ ولىمىنە بايلانىستى ءىس قاي ساتىدا ەكەنىن ايتقان بولاتىن.