شەرزات سوتى: ايىپتالۋشى كىناسىز ەكەنىن دالەلدەۋ ءۇشىن پوليگرافتان وتۋگە دايىن ەكەنىن ايتتى

تالدىقورعان. KAZINFORM - جەتىسۋ وبلىسىنىڭ مامانداندىرىلعان اۋدانارالىق سوتىندا شەرزات پولاتتىڭ ولىمىنە قاتىستى قىلمىستىق ءىس قارالىپ جاتىر.

اتالعان سوت ىسىندە ديدار قالياحمەت ءوزىنىڭ توبەلەسكە قاتىسپاعانىن جانە پىشاق قولدانباعانىن نەمەسە سوققى جاساماعانىن دالەلدەۋ ماقساتىندا پوليگرافتان وتۋگە دايىن ەكەنىن اتاپ ءوتتى.

- قازىر تەحنولوگيا دامىعان زامان. قالاساڭىزدار مەن جالعان ءسوزدى انىقتايتىن قۇرىلعىدان وتۋگە دايىنمىن. كىمدى ۇردىم، ۇرمادىم ءبارىن ايتۋعا ءازىرمىن، - دەدى ول سوتتا.

الايدا سوت بۇل ۇسىنىستى قابىلدامادى.

وسىعان دەيىن ابزال شىناسىل سوتتالۋشىلاردىڭ بىرەۋى شەرزاتقا پىشاق سالعانى جايلى ايتقان بولاتىن.

سونىمەن قاتار ديدار قالياحمەت جاۋاپ بەرىپ، قىلمىس جاسالعان ساتتەگى جاعدايدى بايانداپ بەرگەن ەدى.

بۇعان دەيىن ابزال شىناسىل كىمدى پىشاقتاعانىن ايتقان ەدى.

سونداي-اق شەرزات ىسىندەگى باستى ايىپتالۋشى وسىعان دەيىنگى سوزىنەن باس تارتقانى جايلى جازعان بولاتىنبىز.

ايتا كەتەيىك، شەرزات پولاتتىڭ ءولىمى بويىنشا العاشقى سوت وتىرىسىندا پروكۋرور وقيعانىڭ تولىق حرونولوگياسىن باياندادى.