شەرزات ءىسى: سوت پروكۋروردى اۋىستىرۋدان باس تارتتى

تالدىقورعان. KAZINFORM - جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا شەرزات پولاتتىڭ ولىمىنە بايلانىستى سوت وتىرىسى ءوتىپ جاتىر.

سوت وتىرىسى كەزىندە سوتتالۋشىلاردىڭ ادۆوكاتتارى پروكۋروردى اۋىستىرۋدى ءوتىندى.

كەڭەس بولمەسىنەن كەلگەن سۋديا ەرجان جانۇزاقوۆ پروكۋروردى اۋىستىرۋدان باس تارتتى.

- ق ر قىلمىستىق كودەكسىنىڭ 87، 88-باپتارىندا ناقتى قانداي جاعدايدا مەملەكەتتىك ايىپتاۋشى ىسكە قاتىسا المايتىنى كورسەتىلگەن. مۇنداي جاعدايلار سوتپەن انىقتالعان جوق. مەملەكەتتىك ايىپتاۋشى سارسەنبايدىڭ بۇل ىسكە قانداي ءدا بىر مۇددەلىلىگى، تىكەلەي نە جاناما قاتىستىلىعى انىقتالىپ وتىرعان جوق، - دەدى سۋديا ەرجان جانۇزاقوۆ.

ەسكە سالايىق، سوتتا ايىپتالۋشى دارحان اسكەنتاي جاۋاپ بەردى.

پروكۋرور وقيعانىڭ تولىق حرونولوگياسىن باياندادى.

ايىپتالۋشىلاردىڭ كوپشىلىگى كىنانى مويىنداعان جوق.

سوتتا شەرزاتتىڭ اكەسى قارجاۋباي نۇرىموۆ ول كيكىلجىڭ قالاي باستالعانىن ايتقان ەدى.

سونىمەن قاتار وقيعا ورنىنا العاش بارعان پوليتسەيلەر كۋالىك بەردى.

بىلتىر 4-قازان كۇنى توبەلەستەن 16 جاستاعى جاس ءوسپىرىم قايتىس بولعانىن جازعان ەدىك.

2024 -جىلدىڭ 12-قازانىندا قارا جامىلعان وتباسىنىڭ ءۇيى ورتەنىپ كەتتى. الماتى وبلىسىنىڭ پوليتسيا دەپارتامەنتى بوتەننىڭ مۇلكىن قاساقانا جويۋ فاكتىسى بويىنشا ءىس قوزعادى.

2024 -جىلدىڭ جەلتوقسان ايىندا تالعار ماڭىندا شەرزات اعاسىنىڭ دەنەسى تابىلدى.