ۇشقان كەزدە ۇشاق نەگە سالدىرلايدى؟
استانا. قازاقپارات - ۇشۋعا قاۋىپسىز 25 اۋە جەلىسى انىقتالدى اۋە كومپانيالارى مەن ولاردىڭ قاۋىپسىزدىگىنە باعا بەرەتىن الەمدە جالعىز سايت بار.

AirlineRatings.com-نىڭ ماماندارى 385 اۋەكومپانيانىڭ ىشىنەن بيىل ۇشۋعا قاۋىپسىز 25 اۋە جەلىسىن اتادى. ۇزدىكتەر قاتارىنا ەۋروپا، ازيا، ا ق ش پەن تۇركيا ەلدەرىنىڭ كومپانيالارى كىردى. ولار ۇشۋ قاۋىپسىزدىگى، يننوۆاتسيا مەن جاڭا ۇشاقتاردى ىسكە قوسۋ بويىنشا تەڭدەسىز دەپ تانىلعان. ولاردىڭ اراسىندا تانىمال، Emirates Lufthansa ،United Airlines بار.
اۋە جەلىلەرىنىڭ قاۋىپسىزدىگى رەيتينگىن جاساعاندا رەداكتورلار كەيىنگى بەس جىلداعى اۋە اپاتتارىن، ەكى جىل ىشىندەگى كەلەڭسىز وقيعالاردى، اۆياتسيا سالاسىنداعى جەتەكشى ورگاندار مەن الدىڭعى قاتارلى قاۋىمداستىقتاردىڭ تەكسەرىسىن، مەملەكەتتىك تەكسەرىس، فلوتتىڭ جاسى مەن جازعى قۇرام دايىندىعىن تالداعان.
دجەففري توماس، Airlinerating باس رەداكتورى ب ۇ ۇ جۇرگىزگەن زەرتتەۋگە سايكەس، الەم تۇرعىندارىنىڭ شامامەن %75 ۇشۋدان مۇلدەم قورىقپايدى. %15 ادام ۇشۋ كەزىندە الاڭداسا، %10- ى ۇشۋدان قاتتى قورقىپ، ۇشاقتان گورى جەرمەن نەمەسە سۋمەن جۇرەتىن كولىكتەردى تاڭداۋدى ءجون كورەدى. بۇل رەتتە، ماماندار ساپار الدىندا ۇيقىڭىزدى قاندىرىپ، دۇرىس تاماقتانىپ، سەرۋەندەپ، پسيحوەموتسيونالدى جاعدايىڭىزدى رەتكە كەلتىرۋگە كەڭەس بەرەدى.
اۋە رەيستەرى نەگە ۇنەمى كەشىگەدى؟ ۇشقان كەزدە ۇشاق نەگە سالدىرلايدى؟ Geophysical Research Letters جۋرنالىنىڭ زەرتتەۋشىلەرى بۇل سۇراقتىڭ جاۋابىن قولايسىز اۋا رايىمەن بايلانىستىرادى. اۋەفوبتارعا بۇل مالىمەت ۇناي قويماۋى مۇمكىن. حالىقارالىق تۋربۋلەنتتىلىك دەڭگەيىن باقىلاپ وتىراتىن، «تۋربلي» ماماندارى ەڭ تۋربۋلەنتتى ايماقتاردى انىقتاۋ ماقساتىندا، 150 مىڭ اۋە رەيستىڭ ۇشۋ-قونۋ باعىتىن باقىلاپ، زەرتتەۋ جۇرگىزدى. ناتيجەسىندە، وڭتۇستىك امەريكا، اسىرەسە چيليدىڭ سانتياگو قالاسىنان بوليۆياداعى ۆيرۋ-ۆيرۋ حالىقارالىق اۋەجايىنا قونۋ قاۋىپتى ەكەنىن انىقتالدى. سونداي-اق ءوزىمىزدىڭ الماتى مەن قىرعىزستان استاناسى بىشكەك باعىتىنداعى اۋە رەيسى تۋربليدىڭ باقىلاۋىنشا ەكىنشى ورىندا. سونداي-اق ەڭ تۋربۋلەنتتى 6 رەيستىڭ ىشىندە جاپونيا مەن قىتايداعى ىشكى باعىتتار بار.
24.kz