شەكارادا تاركىلەنگەن زاتتار: قارۋ، ءدىني ادەبيەت، 4 ميلليارد تەڭگەنىڭ تاۋارلارى

شىلدەدە شەكارادا 4,7 مىڭ زاڭ بۇزۋشى ۇستالدى. بۇل تۋرالى ۇ ق ك باسپا ءسوز قىزمەتى حابارلادى.

ۇ ق ك شەكارا قىزمەتى مەملەكەتتىك شەكارانى كۇزەتۋ مەن قورعاۋدى قامتاماسىز ەتۋ اياسىندا 2025 -جىلعى شىلدەدە قۇزىرلى ورگاندارمەن ءوزارا ارەكەتتەسە وتىرىپ شەكارا كەڭىستىگىندە 4725 قازاقستان رەسپۋبليكاسىنىڭ زاڭنامالارىن بۇزۋشىلاردى ۇستادى، سونىڭ ىشىندە 4132 شەتەل ازاماتتارى.

مەملەكەتتىك شەكارا ارقىلى 1462 زاڭسىز الىپ ءوتۋ فاكتىلەرىنىڭ الدى الىندى، سونىڭ ىشىندە:

60 فاكتى - قارۋلار مەن وق-دارىلەر؛

25 فاكتى - ءدىني ادەبيەت (627 دانا)؛

524 فاكتى - جالپى مولشەرى 35 تونناعا جۋىق جانار-جاعارماي ماتەريالدارى؛

682 فاكتى - جالپى سوماسى 4,2 ميلليارد تەڭگەدەن استام حالىق تۇتىنۋ تاۋارلارى؛

171 فاكتى - جالپى سوماسى 1,7 ميلليارد تەڭگەدەن استام شەتەل ۆاليۋتاسى.

كاسپي اكۆاتورياسىندا 51 براكونەرلىك فاكتىنىڭ الدى الىندى، سونداي-اق:

14 دانا - ءجۇزۋ قۇرالدارى؛

شامامەن 20 ك م - تور، براكونەرلىك اۋلاۋ قۇرالدارى.

الدى الىنعان زالال سوماسى شامامەن 116 ميلليون تەڭگە.

بۇل فاكتىلەر بويىنشا ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى.

مەملەكەتتىك شەكارادا قانداي دا ءبىر شەكتەۋ شارالارى ەنگىزىلگەن جوق.

- «سىرىم» وتكىزۋ پۋنكتىندە جاڭارتۋ جانە قۇرىلىس- مونتاج جۇمىستارىنىڭ باستالۋىنا بايلانىستى 2025 -جىلعى 4-تامىزدان باستاپ جۇك اۆتوكولىك قۇرالدارىن قوسپاعاندا، شەكارادان وتۋگە ۋاقىتشا شەكتەۋلەر ەنگىزىلەتىنىن حابارلايمىز. باسقا وتكىزۋ پۋنكتتەرى قالىپتى رەجيمدە جۇمىسىن جالعاستىرا بەرەدى. وسى جاعدايدى ەسكەرىپ، مارشرۋتتارىڭىزدى الدىن الا جوسپارلاۋىڭىزدى سۇرايمىز، - دەلىنگەن كوميتەت حابارلاماسىندا.