شايدىڭ پايداسىنان زيانى كوپ - ماماندار

استانا. قازاقپارات - «ىستىق شايدى ءبارى ىشەدى. ءبىراق ونىڭ دەنساۋلىققا زيانى دا بار»، - دەيدى ماماندار. تىم ىستىق بولسا، اسقازان اۋرۋلارى كوبەيىپ، وڭەش وبىرى ءورشۋى مۇمكىن. اسىرەسە بۇل ماسەلە ەگدە جاستاعى جانداردىڭ اراسىندا وزەكتى.

 ءبىز كۇندەلىكتى شاي ىشەمىز، ءبىر وتىرعاندا بىرنەشە كەسە شاي ىشەمىز. ءيا، قازاق حالقى شاي ىشۋدەن الەمدە ۇزدىك وندىققا كىرەدى. ءاربىر قازاقستاندىق جىلىنا 1,5 كەلى شاي ءونىمىن تۇتىنادى. ناقتى دەرەكتەردەن دايەك كەلتىرسەم، بيىل التى ايدا ەلگە 13 مىڭ توننا شاي يمپورتتالعان. ياعني، وتانداستارىمىز 40 ميلليون دوللارعا شاي ساتىپ العان. ءبىراق بىلەتىندەر: «شايدىڭ پايداسىنان زيانى كوپ»، - دەيدى.

سەبەبى ىستىق سۋسىندى ىشكەندە وڭەش تىتىركەنىپ، اسقازاننىڭ ءبۇرلى قاباتى اۋىرسىنادى ەكەن. ارتىنشا اس قورىتۋ قيىنداپ، ءتىپتى ءتۇرلى اۋرۋلارعا الىپ كەلۋى بەك مۇمكىن.

جاننا نۇربەرگەن قىزى، اكادەميك ە. د. دالەنوۆ اتىنداعى پروفيلاكتيكالىق مەديتسينا عىلىمي-زەرتتەۋ ينستيتۋتىنىڭ جەتەكشى عىلىمي قىزمەتكەرى:

- ىستىق ىشكەن كەزدە ەڭ ءبىرىنشى سول ءبۇرلى قابات تىتىركەنەدى، قاتتى. ودان كەيىن، ەكىنشىدەن، ول جەردەن بولىنەتىن ءسول دۇرىس مولشەردە بولىنبەي قالادى. سودان ءبىزدىڭ اسىمىز دۇرىس قورىتىلمايدى. استى قورىتاتىن سول اسقازاننىڭ ءبۇرلى قاباتىنان بولىنەتىن ءبىزدىڭ اسقازان سولدەرى بولىپ تابىلادى. سول سەبەپتى ىستىقتى ءىشۋدى كەڭەس بەرمەيمىن.

سول سەبەپتى ىستىق سۋسىننىڭ ورنىن سۋعا الماستىرۋ كەرەك. ويتكەنى وكپەنىڭ 90، قاننىڭ 80، ميدىڭ %75- ءى سۋدان تۇرادى. ال سالقىن نەمەسە ىستىق سۋدىڭ قايسىسىن تۇتىنامىن دەسەڭىز، مامان كەڭەسىنە قۇلاق اسىڭىز.

جاننا نۇربەرگەن قىزى، اكادەميك ە. د. دالەنوۆ اتىنداعى پروفيلاكتيكالىق مەديتسينا عىلىمي-زەرتتەۋ ينستيتۋتىنىڭ جەتەكشى عىلىمي قىزمەتكەرى:

- جالپى قانداي سۋدى ىشكەن دۇرىس؟ ەڭ ءبىرىنشى ول مىندەتتى تۇردە قايناماعان بولۋى ءتيىس. قايناعان سۋ - ول ءولى سۋ. ءبىزدىڭ اعزا ءۇشىن بارلىعى تابيعي بولعانى دۇرىس. سول سەبەپتى تابيعاتىنان قايناماعان، بولمە تەمپەراتۋراسىندا جىلىتىلعان سۋ بولسىن، قايناماعان سۋ بولۋ كەرەك. ەكىنشىدەن، قاتتى سۋىق سۋ ىشە المايمىز. ويتكەنى قاتتى سۋىق سۋ، بىرىنشىدەن، اس قورىتۋ جۇيەمىزگە زيانىن تيگىزەدى. ىشكى اعزانى، ءبۇرلى قاباتتاردى تىتىركەندىرۋى مۇمكىن. ەكىنشىدەن، ول سۋىق سۋدى جىلىتۋعا دا ءبىزدىڭ اعزامىزدان كوپ ەنەرگيا كەتىپ قالادى.

ءيا، ماماندار قانجىلىم سۋدى ىشكەندى قۇپ كورەدى. اسىرەسە اشقارىنعا ىشكەننىڭ ىشەككە، بۇيرەككە، اسقازانعا پايداسى كوپ.

اۆتورى: شەرنياز جالعاسبەك ۇلى

24.kz