شاولين عيباداتحاناسىنىڭ جاڭا باسشىسى تاعايىندالدى
استانا. KAZINFORM - شي ينلە شاولين عيباداتحاناسىنىڭ جاڭا باس شاراپاتشىسى مىندەتىن اتقاراتىن بولدى. بۇل تۋرالى سەيسەنبى كۇنى عيباداتحانا اكىمشىلىگى مالىمدەدى، دەپ حابارلايدى شينحۋا اگەنتتىگى.
حابارلامادا اتاپ وتىلگەندەي، شەشىم عيباداتحانانىڭ موناحتار قاۋىمداستىعىنىڭ دەموكراتيالىق تالقىلاۋىنان كەيىن جانە ءتيىستى راسىمدەرگە سايكەس قابىلدانعان.
بۇعان دەيىن، 28-شىلدەدە قىتايدىڭ بۋدديستىك قوعامى شاولين عيباداتحاناسىنىڭ بۇرىنعى شاراپاتشىسى شي يۋنسيننىڭ موناحتىق مارتەبەسى كۇشىن جويعانىن جاريالاعان بولاتىن.
ول قىلمىستىق قۇقىقبۇزۋشىلىقتارعا، سونىڭ ىشىندە جوبا قاراجاتتارىن تالان-تاراجعا سالۋ مەن حرام مۇلكىن يەمدەنۋگە بايلانىستى كۇدىككە ىلىنگەن. سونىمەن قاتار بۋددا ەرەجەلەرىن ورەسكەل بۇزعانى، بىرنەشە ايەلمەن ۇزاققا سوزىلعان ورىنسىز قارىم-قاتىناسى جانە زاڭسىز تۋعان كەمىندە ءبىر بالاسى بارى ءۇشىن ايىپتالىپ وتىر.
ايتا كەتەيىك، شي يۋنسين بۇكىل الەمگە ايگىلى بۋدديستىك عيباداتحانا جانە كۋڭ-فۋ ونەرىنىڭ وتانى سانالاتىن شاولين عيباداتحاناسىنىڭ 30- باس شاراپاتشىسى بولعان.
بۇعان دەيىن ورتالىق قىتايدىڭ حىنان پروۆينسياسىنداعى شاولين عيباداتحاناسىنىڭ باستىعى شي يۋنسيندى بىرنەشە ۆەدومستۆو تەرگەپ جاتقانىن حابارلادىق.
