13:15, 28 - شىلدە 2025 | GMT +5
قىتايدا شاولين عيباداتحاناسىنىڭ باستىعىن تەرگەپ جاتىر
استانا. KAZINFORM - ورتالىق قىتايدىڭ حىنان پروۆينسياسىنداعى شاولين عيباداتحاناسىنىڭ باستىعى شي يۋنسيندى بىرنەشە ۆەدومستۆو تەرگەپ جاتىر. بۇل تۋرالى عيباداتحانا اكىمشىلىگىنىڭ جەكسەنبى كۇنى جاريالانعان مالىمدەمەسىندە ايتىلعان، دەپ حابارلايدى شينحۋا اقپارات اگەنتتىگى.
شي يۋنسين قىلمىستىق قۇقىقبۇزۋشىلىقتار، سونىڭ ىشىندە عيباداتحانا قاراجاتى مەن مۇلكىن جىمقىرۋ جانە يەمدەنۋ دەگەن كۇدىككە ءىلىندى. ول سونداي-اق بۋددالىق وسيەتتەردى ورەسكەل بۇزدى، بىرنەشە ايەلمەن ۇزاق ۋاقىت بويى ورىنسىز قارىم-قاتىناستا بولدى جانە كەم دەگەندە ءبىر نەكەسىز بالاسى بار دەپ ايىپتالىپ وتىر.
مالىمدەمەدە قوسىمشا اقپاراتتىڭ حالىققا دەر كەزىندە قولجەتىمدى بولاتىنى ايتىلعان.
