شارىن مەملەكەتتىك ۇلتتىق تابيعي پاركى اۋماعىندا ەلىكتەر فوتوتۇزاققا ءتۇسىپ قالدى
استانا. KAZINFORM - شارىن مەملەكەتتىك ۇلتتىق تابيعي پاركىنىڭ (م ۇ ت پ) اۋماعىندا جابايى تابيعاتتى زەرتتەۋ جانە باقىلاۋ ماقساتىندا ورناتىلعان فوتوتۇزاقتارعا ەلىكتەر ءتۇسىپ قالدى.
بۇل تۋرالى ق ر ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز قىزمەتى حابارلادى.
- بۇل كادرلار - شارىن م ۇ ت پ اۋماعىندا جابايى جانۋارلاردىڭ ەركىن جانە قاۋىپسىز تىرشىلىك ەتىپ جاتقانىن كورسەتەدى. ەلىكتەر ەكوجۇيە تەپە-تەڭدىگىنىڭ كورسەتكىشى سانالاتىن سۇتقورەكتىلەردىڭ ءبىرى. مۇنداي باقىلاۋ دەرەكتەرى ءبىزدىڭ تابيعاتتى قورعاۋ مەن زەرتتەۋ باعىتىنداعى جۇمىستارىمىزدىڭ ناتيجەسى. جابايى جانۋارلاردىڭ باقىلاۋ جۇمىستارى جالعاسۋدا، - دەلىنگەن حابارلامادا.
وسىعان دەيىن شىعىس قازاقستان وبلىسىنداعى وسكەمەن ورمان شارۋاشىلىعىنىڭ قىزمەتكەرلەرى جانۋارلاردىڭ كوكتەمنەن امان شىعۋىنا جاعداي جاساپ وتىرعانى تۋرالى جازدىق.
