ۇشاق بيلەتىنىڭ باعاسى اسپانداپ تۇر

استانا. قازاقپارات - ۇشاق بيلەتىنىڭ باعاسى كۇن ساناپ قىمباتتاپ بارادى. ماسەلەن، استانا-اقتاۋ باعىتىنداعى بيلەت باعاسى 60 مىڭ تەڭگەدەن تۇسپەيدى. ال استانا-سەمەي، استانا-جەزقازعان باعىتىندا 21 مەن 60 مىڭ تەڭگە ارالىعىندا بولسا، استانا- تالدىقورعان باعىتىندا ورتاشا باعا - 40 مىڭ تەڭگە.

ءماجىلىس وتىرىسىندا ەربولات ساتىبالدين وسى ماسەلەنى كوتەرىپ، كولىك مينيسترىنە دەپۋتاتتىق ساۋالىن جولدادى. ول ۆەدومستۆو باسشىسىنا باعا ساياساتىن قايتا قاراپ، اۆياتاسىمال سەرۆيسى مەن قىزمەت كورسەتۋ ساپاسىن جاقسارتۋ تەتىكتەرىن قاراستىرۋدى ۇسىندى. سونداي-اق باعانى رەتسىز بەكىتەتىن جانە ساپاسىز جۇمىس ىستەيتىن اۋە كومپانيالارىنا ءتيىستى جازا قولدانۋدى سۇرادى.

بۇعان قوسا ءماجىلىس دەپۋتاتى: «جاڭا قۇرىلعان ۇلىتاۋ، اباي جانە جەتىسۋ ايماقتارىنا لوۋكوستەر مەن باسقا دا اۆياكومپانيالاردى تارتۋ قاجەت»، - دەدى.

ەربولات ساتىبالدين، ق ر پارلامەنتى ءماجىلىسىنىڭ دەپۋتاتى:

- بيلەت قۇنىن اۋەجايدىڭ الىمدارى مەن جانارماي شىعىنى %80- نە جۋىعىن قۇراسا، قالعان %20- ءى - اۋەجاي كومپانياسىنىڭ تابىسى. ال ەندى ۇشۋ ۋاقىتى تايانعاندا Qazaq Air كومپانياسىنىڭ 21 مىڭ تەڭگە ماڭايىندا ساتىلاتىن بيلەتتەرى 60 مىڭعا دەيىن شارىقتاتىپ جىبەرەدى. جانارماي مەن اۋەجاي قىزمەتى باعاسى وزگەرمەسە، ءوزىنىڭ تابىسىن بيلەتتىڭ قۇنىنان ءۇش ەسە ءوسىرىپ، قىسىلتاياڭدى پايدالانىپ، اشكوزدىكپەن پايدا تاپقانى ما؟ باعانىڭ بۇلاي ديناميكالىق ءوسۋى نارىقتىڭ سۇرانىسىمەن تۇسىندىرەرى حاق، الايدا حالىقتى كىم ويلايدى؟

24.kz