ۇشاق بورتىندا بولعان بارلىق قازاقستاندىق مەرت بولدى - كولىك ءمينيسترى

استانا. KAZINFORM - كولىك مينيسترلىگىنىڭ مالىمەتى بويىنشا، ۇشاق بورتىندا بولعان 67 ادامنىڭ 38 ى قايتىس بولدى.

- اۋە بورتىندا 67 ادام بولدى، ونىڭ ىشىندە 62 جولاۋشى، 5 ادام ەكيپاج مۇشەسى بار. وكىنىشكە قاراي، 38 ادام قازا تاپتى جانە 29 ادام امان قالدى، - دەدى ەلىمىزدىڭ كولىك ءمينيسترى مارات قارابايەۆ اقتاۋدا وتكەن باسپا ءسوز ءماسليحاتىندا.

ايتا كەتەيىك، ۇشاقتاعى جولاۋشىلار اراسىندا 37 ازەربايجان ازاماتى بولدى، ولاردىڭ 23 ى قايتىس بولدى جانە 14 ى امان قالدى. قىرعىزستاننان ءۇش جولاۋشى بولدى، ولاردىڭ بارلىعى امان قالدى. سونىمەن قاتار 16 رەسەي ازاماتى بولدى، ولاردىڭ 7 سى قايتىس بولدى، 9 ادام امان قالدى. ۇشاقتا ءبىزدىڭ 6 وتانداسىمىز بولدى، وكىنىشكە قاراي بارلىعى مەرت بولدى.

ۇشاقتىڭ ەكيپاجى 5 ادام بولدى، ونىڭ ىشىندە 2 ادام قازا تاپتى، 3 ادام امان قالدى.

ەسكە سالا كەتەيىك، قانات بوزىمبايەۆ اقتاۋ ماڭىنداعى ۇشاق اپاتىنان زارداپ شەككەندەردىڭ جاعدايىمەن تانىستى.

اۆتور

داۋلەت ىزتىلەۋ