شامادان تىس ءتاتتى قۇمارسىز با؟ دارىگەر سەبەبىن اتادى
ءتاتتى، مايلى، اشى تاعامعا، سونداي-اق، ءسۇت ونىمدەرىنە قۇمارلىق دەنساۋلىقتا قانداي دا ءبىر ماسەلە بارىن كورسەتۋى مۇمكىن. بۇل تۋرالى دارىگەر، كارديولوگ تاتيانا سيمونوۆا ايتتى، - دەپ حابارلايدى lenta.ru.
مامان تاتتىگە دەگەن قۇشتارلىق قانداعى قانتتىڭ تۇراقسىز دەڭگەيىنەن، سونداي-اق، كۇيزەلىستەن پايدا بولۋى مۇمكىن ەكەنىن مالىمدەدى.
ساراپشىنىڭ پىكىرىنشە، اشى تاعامداردى جەۋگە دەگەن قۇمارلىق ديارەيادان تۋىنداعان دەگيدراتاتسيادان، سونداي-اق، بەلسەندى فيزيكالىق جاتتىعۋلاردان كەيىن پايدا بولۋى مۇمكىن. سونىمەن قاتار، ول كەيدە بۇيرەك ءۇستى بەزى اۋرۋلارىنان دا بولۋى مۇمكىن.
«تابەت اعزانىڭ قارىم- قاتىناس ءتىلى رەتىندە قىزمەت ەتەدى، كەيدە بەلگىلى ءبىر تاعامعا دەگەن قۇشتارلىق جاي عانا قالاۋ ەمەس، ماڭىزدى زاتتاردىڭ جەتىسپەۋىن كورسەتۋى مۇمكىن»، - دەدى دارىگەر.
تەراپيەۆت مايلى جانە قۋىرىلعان تاعامدارعا قۇمارلىقتى مايدا ەريتىن A، D، E نەمەسە K ۆيتاميندەرى جەتىسپەۋشىلىگىمەن نەمەسە وتتەگى تاستىڭ دامۋىمەن بايلانىستىردى. دارىگەر كالتسيي نەمەسە تريپتوفان جەتىسپەسە، ادام ءسۇت ونىمدەرىن جەگىسى، ىشكىسى كەلەتىنىن ايتتى. ال سۇتكە دەگەن قۇشتارلىق اسقازاننىڭ قىشقىلدىعى جوعارىلاعاندا پايدا بولادى ەكەن.
دارىگەر اندا-ساندا بەلگىلى ءبىر تاعامدى جەگىسى كەلۋ قالىپتى جاعداي ەكەنىن جەتكىزدى، ءبىراق سول تاماقتى اپتاسىنا ءۇش-ءتورت رەت جەگىڭىز كەلسە، بۇل بەلگى بولۋى مۇمكىن.
Massaget.kz
