شاۆكات ميرزيەيەۆ ش ى ۇ گۋمانيتارلىق باستامالارى مەن باعدارلامالارىنىڭ ءبىرىڭعاي بانكىن قۇرۋدى ۇسىندى

ШЫҰ
Фото: Ақорда

استانا. KAZINFORM - بۇگىنگى كەزدەسۋلەردىڭ قورىتىندىسى ش ى ۇ اياسىنداعى كوپقىرلى سەرىكتەستىكتى دامىتۋعا قۋاتتى سەرپىن بەرەدى. بۇل تۋرالى ەلورداداعى تاۋەلسىزدىك سارايىندا شاڭحاي ىنتىماقتاستىق ۇيىمى سامميتى اياسىندا ءوتىپ جاتقان «ش ى ۇ+» كەزدەسۋىندە وزبەكستان پرەزيدەنتى شاۆكات ميرزيەيەۆ ايتتى.

وزبەكستان پرەزيدەنتى بۇگىنگى كەزدەسۋ قورىتىندىسى ش ى ۇ اياسىنداعى كوپجاقتى سەرىكتەستىكتى دامىتۋعا تىڭ سەرپىن بەرەتىنىنە سەنىم ءبىلدىردى.

«وسى تۇرعىدا كونسترۋكتيۆتى ديالوگ پەن كوپجاقتى سەرىكتەستىك ارقىلى سەنىم تاپشىلىعىن ەڭسەرۋگە باعىتتالعان ورتاق قاۋىپسىزدىك پەن گۇلدەنۋ جولىندا ءبىز ۇسىنعان سامارقاند ىنتىماقتاستىق باستاماسى بۇرىنعىدان دا وزەكتى. بۇل باستامانى ءىس جۇزىندە جۇزەگە اسىرۋ تۇراقتى دامۋ جولىنداعى قايشىلىقتاردى ەڭسەرۋ ءۇشىن وركەنيەتارالىق ديالوگتى نىعايتۋعا سەپتىگىن تيگىزەدى. ءبىز بىرلەسە وتىرىپ، مادەني، ءبىلىم، جاستار مەن تۋريستىك الىس-بەرىس سالالارىنداعى باعدارلامالاردى جۇزەگە اسىرۋ ارقىلى ۇيىمدى بۇدان دا جاسامپاز ەتەتىنىمىزگە سەنىمدىمىن. وسى ماقساتتاردا ءبىز بارلىق مۇددەلى تاراپتى جۇمىلدىرا وتىرىپ، وسى باعىتتارداعى جوبالاردى جۇيەلەۋگە جانە بىرلەسىپ جۇزەگە اسىرۋعا مۇمكىندىك بەرەتىن ش ى ۇ- نىڭ ءبىرىڭعاي گۋمانيتارلىق باستامالار جانە باعدارلامالار بانكىن ازىرلەۋدى ۇسىنامىز. وسى كەزدەسۋلەردىڭ قورىتىندىسى ش ى ۇ اياسىنداعى كوپقىرلى سەرىكتەستىكتى دامىتۋعا قۋاتتى سەرپىن بەرەتىنىنە سەنىمدىمىن»، - دەدى شاۆكات ميرزيەيەۆ.

سوڭعى جاڭالىقتار