شاحتاداعى اپات: وزبەكستان پرەزيدەنتى قازاقستاندىقتارعا كوڭىل ايتتى

وزبەكستان باسشىسى شاۆكات ميرزيەيەۆ قاراعاندى وبلىسىندا ورنالاسقان كوستەنكو اتىنداعى شاحتادا بولعان قايعىلى وقيعاعا بايلانىستى قازاقستان پرەزيدەنتىمەن تەلەفون ارقىلى سويلەستى، دەپ حابارلايدى Kazinform.

قازاقستان پرەزيدەنتىمەن حابارلاسقان شاۆكات ميرزيەيەۆ وسى وقيعانىڭ سالدارىن جويۋ ءۇشىن قاجەتتى كومەك كورسەتۋگە دايىن ەكەنىن ايتتى.

«وزبەكستان پرەزيدەنتى شاحتادا قالعان كەنشىلەردى تەزىرەك قۇتقارۋعا ۇمىتتەنەتىنىن جانە وسى وقيعانىڭ سالدارىن جويۋعا قاجەتتى كومەك كورسەتۋگە دايىن ەكەنىن ايتتى»، - دەلىنگەن اتالعان ەل باسشىسىنىڭ رەسمي سايتىندا.

سونداي-اق تەلەفون ارقىلى ەكىجاقتى جانە وڭىرلىك كۇن تارتىبىندەگى وزەكتى ماسەلەلەر تالقىلانعان.

ەسكە سالايىق، 28- قازان، تۇنگى ساعات 02.33 تە قاراعاندى وبلىسىنداعى كوستەنكو اتىنداعى شاحتادا ءورت بولدى. ساعات 17.33 تەگى مالىمەت بويىنشا 33 كەنشىنىڭ دەنەسى تابىلدى، 13 ادام ىزدەستىرىلىپ جاتىر. 20 جۇمىسشى اۋرۋحاناعا جەتكىزىلدى.