شاڭحاي بازارىنداعىءورت: بازارداعى ءورت قاۋىپسىزدىگى جەكە اۋديت ارقىلى عانا تەكسەرىلگەن

استانا. KAZINFORM - ەلوردادا 18- شىلدەدە «Big شاڭحاي» بازارىندا بولعان ءورتتىڭ سەبەبىنە قاتىستى تەكسەرۋ ءجۇرىپ جاتىر. بۇل تۋرالى ق ر توتەنشە جاعدايلار ۆيتسە-ءمينيسترى كەگەن تۇرسىنبايەۆ ءمالىم ەتتى.

- قازىر تەكسەرۋ ءجۇرىپ جاتىر. ءورت تۋرالى اقپارات بولماعان. اتاپ ايتقاندا، № 7 ءورت ءسوندىرۋ بەكەتى «Big شاڭحايدىڭ» جانىندا ورنالاسقان، قۇتقارۋشىلار ءبىرىنشى جانە ءتورتىنشى قاباتتاعى ءورتتى بايقاپ قالعان. وقيعا ورنىنا توتەنشە جاعدايلار قىزمەتكەرلەرى جەتكەندە، بارلىق ەسىكتەر مەن قاقپالار جابىق تۇرعان. ءورت سوندىرۋشىلەر قاقپانى وزدەرى اشقان. ءبىزدىڭ قىزمەتكەرلەر ءورتتى وقشاۋلاۋعا بار كۇشىن سالدى. قازىر قىلمىستىق ءىس قوزعاۋ ماسەلەسى قارالىپ جاتىر. ءورت قاۋىپسىزدىگى جۇيەسىندەگى كەمشىلىكتەر انىقتالىپ، ونىڭ بارلىعى تەرگەۋ اياسىندا ەسكەرىلەتىن بولادى، - دەدى دەدى ك. تۇرسىنبايەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ق ر ت ج م ورتكە قارسى قىزمەت كوميتەتى باسقارماسىنىڭ باسشىسى ايگەرىم رايىمقۇلوۆانىڭ ايتۋىنشا، اتالعان نىساندا وسىعان دەيىن جەكە اۋديت جۇرگىزىلگەندىكتەن، مەملەكەتتىك باقىلاۋ جاسالماعان.

- بۇل اۋديت 2019 -جىلدان 2024 -جىلعا دەيىن جۇرگىزىلدى. ونىڭ ناتيجەسىندە ەشقانداي كەمشىلىك انىقتالماعانى ايتىلعان. بۇل تۇرعىدا بىزگە ءتيىستى قورىتىندىلار ۇسىنىلعان ەدى. وسىنى ەسكەرە وتىرىپ، مەملەكەتتىك باقىلاۋ بولمادى… قازىر اتالعان ورتكە قاتىستى ءتيىستى ساراپتامالار جاسالىپ جاتىر، - دەدى ا. رايىمقۇلوۆا.

ايتا كەتەيىك، بۇعان دەيىن 18-شىلدەدە «Big شاڭحاي» بازارىنىڭ ورتەنگەنى تۋرالى حابار ت ج د- عا كەش بەرىلگەنى ءمالىم بولدى.

ءتىلسىز جاۋمەن كۇرەس بارىسىندا ءۇش قۇتقارۋشى جاراقات الدى.

اۆتور

رۋسلان عابباسوۆ