شاعىن اۆياتسيانى دامىتۋعا نە كەدەرگى - ۇكىمەت باسشىسىنىڭ جاۋابى

 Азаматтық авиация комитеті
Фото: Азаматтық авиация комитеті

استانا. KAZINFORM - پرەمەر-مينيستر ولجاس بەكتەنوۆ سەنات دەپۋتاتتارىنىڭ شاعىن اۆياتسيانى دامىتۋعا قاتىستى ساۋالىنا جاۋاپ بەردى.

«بۇگىندە ازاماتتىق اۋە كەمەلەرىنىڭ مەملەكەتتىك تىزىلىمىندە جەڭىل جانە وتە جەڭىل اۆياتسيانىڭ 690 اۋە كەمەسى بار. ونىڭ 179 ى اۆياتسيالىق-حيميالىق جۇمىستاردى، ال 126 سى حالىققا مەديتسينالىق كومەك كورسەتۋ، سانيتارلىق ءىس-شارالاردى جۇرگىزۋ ءۇشىن ۇشۋلاردى ورىنداۋ ءۇشىن جىبەرىلگەن»، - دەدى ۇكىمەت باسشىسى جاۋابىندا.

پرەمەر-ءمينيستردىڭ سوزىنە قاراعاندا، شاعىن اۆياتسيانىڭ دامۋىنا وڭىرلىك اۋەجايلاردى جاڭعىرتۋ ءىس-شارالارىنا قاراجاتتىڭ كوپ قاجەت ەتىلۋى نەگىزگى تەجەۋشى فاكتور بولىپ تۇر.

«بۇل ماسەلەنى شەشۋ ءۇشىن قازاقستان رەسپۋبليكاسىنىڭ كولىك-لوگيستيكالىق الەۋەتىن دامىتۋ تۇجىرىمداماسى بەكىتىلدى. ونىڭ اياسىندا 2030-جىلعا دەيىن اۋەجايلاردىڭ ينفراقۇرىلىمىن جاڭعىرتۋ كوزدەلگەن. ايتالىق، بۇگىندە ءۇرجار، ءۇشارال، زايسان، كاتونقاراعاي، قارقارالى، ۇلىتاۋ جانە ارقالىق قالالارى اۋەجايلارىن سالۋ جانە جاڭعىرتۋدىڭ نىسانالىعىن انىقتاۋ جۇمىستارى جۇرگىزىلىپ جاتىر»، - دەدى ولجاس بەكتەنوۆ.

سوڭعى جاڭالىقتار