ۇشا الماي قالعان سىبىرلاق اققۋ تابيعي ورتاعا جىبەرىلدى

اتىراۋ. KAZINFORM - اتىراۋدا كۇزگى ميگراتسيا كەزىندە سىبىرلاق اققۋ ۇشا الماي قالعان. ارنايى ماماندار قۇستى تەكسەرىپ، تابيعي ورتاعا جىبەردى.

اتىراۋ وبلىستىق ورمان شارۋاشىلىعى جانە جانۋارلار دۇنيەسى ينسپەكسياسىنىڭ اقپاراتىنا سۇيەنسەك، جەرگىلىكتى تۇرعىن قۇستىڭ ۇشا الماي قالعان قۇس تۋرالى حابار بەرگەن.

- اتىراۋ قالالىق اكىمدىگىنە قاراستى المالى اۋىلى تۇرعىنىنىڭ ايتۋىنشا، اققۋعا ۇقساس قۇس ميگراتسيا كەزىندە قونىپ، قايتا ۇشا الماي قالعان. وسىعان بايلانىستى ينسپەكسيا ماماندارى جەدەل جۇمىس جۇرگىزىپ، قۇستىڭ سىبىرلاق اققۋدىڭ جاس داراعى ەكەنىن انىقتادى. قۇستا ەشقانداي جاراقات تا، باسقا اۋرۋ ءتۇرى دە جوق، - دەپ حابارلادى اتالعان ينسپەكسيادان.

سىبىرلاق اققۋدى تابيعي ورتاسىنا جىبەرۋ جۇمىسىن جۇرگىزۋگە ينسپەكسياسىنىڭ باس ماماندارى ا. مارات ۇلى مەن س. ماقۋ، «اقجايىق» مەملەكەتتىك تابيعي رەزەرۆاتىنىڭ ورنيتولوگى ي. بوفونوۆ قاتىسقان.

اۆتور

جولداسبەك شوپەعۇل