ش ى ۇ سىرتقى ىستەر مينيسترلەرى قانداي شەشىمدەر قابىلدادى
استانا. KAZINFORM - ەلوردادا شانحاي ىنتىماقتاستىق ۇيىمى حاتشىلىعىنىڭ 2023-جىلعى مامىردان 2024-جىلعى مامىرعا دەيىنگى كەزەڭدەگى جۇمىسى تۋرالى ەسەبى ماقۇلداندى. بۇل تۋرالى ش ى ۇ باس حاتشىسى چجان مين ءمالىم ەتتى.
«كەزدەسۋ قورىتىندىسى بويىنشا ساياسي-ديپلوماتيالىق، ساۋدا-ەكونوميكالىق جانە مادەني-گۋمانيتارلىق سالالارداعى كوپجاقتى ىنتىماقتاستىققا قاتىستى 22 شەشىم قابىلداندى. سونداي-اق، شانحاي ىنتىماقتاستىق ۇيىمى حاتشىلىعىنىڭ 2023-جىلعى مامىردان 2024-جىلعى مامىرعا دەيىنگى كەزەڭدەگى جۇمىسى تۋرالى ەسەبى ماقۇلداندى»، - دەدى چجان مين ب ا ق وكىلدەرىنە مالىمدەمە جاساپ.
وتىرىسقا سىرتقى ىستەر ءمينيسترى نەمەسە ونىڭ ورىنباسارى دەڭگەيىندەگى بارلىق (9) مۇشە مەملەكەت جانە شىۇ ايماقتىق تەرروريزمگە قارسى قۇرىلىم ديرەكتورى ر. ە. ميرزايەۆ پەن بەلارۋس رەسپۋبليكاسىنىڭ س ءى م باسشىسى س. ف. الەينيك وتىرىسقا قاتىستى.
«قورىتىندىلاي كەلە، ق ر پرەمەر-ءمينيسترىنىڭ ورىنباسارى - قازاقستان رەسپۋبليكاسىنىڭ سىرتقى ىستەر ءمينيسترى مۇرات نۇرتىلەۋگە، ۆەدومستۆو قىزمەتكەرلەرىنە جانە جالپى قازاقستاندىق ارىپتەستەرگە ش ى ۇ سىرتقى ىستەر مينيسترلەرى وتىرىسىن جوعارى كاسىبي دەڭگەيدە وتكىزگەنى ءۇشىن، حاتشىلىق دەلەگاتسياسىنا قاجەتتى جاردەم كورسەتىپ، جىلى قابىلداعانى ءۇشىن العىس ايتام»، - دەيدى ول.
بۇگىن استانادا ش ى ۇ- عا مۇشە مەملەكەتتەر سىرتقى ىستەر مينيسترلەرى كەڭەسىنىڭ وتىرىسى ءوتتى.
