ش ى ۇ قورعانىس مينيسترلەرىنىڭ كەڭەسى باستالدى

استانا. KAZINFORM - استانادا شانحاي ىنتىماقتاستىق ۇيىمىنا مۇشە مەملەكەتتەر قورعانىس مينيسترلەرىنىڭ كەڭەسى باستالدى.

قازاقستاننىڭ ش ى ۇ-عا ءتوراعالىعى اياسىندا وتەتىن ءىس-شاراعا يران، قىتاي، قىرعىزستان، پاكىستان، رەسەي، تاجىكستان جانە وزبەكستان قورعانىس مينيسترلەرى، ءۇندىستان قورعانىس ءمينيسترىنىڭ ورىنباسارى قاتىسىپ وتىر.

سونداي-اق، وتىرىسقا شاڭحاي ىنتىماقتاستىق ۇيىمىنىڭ باس حاتشىسى، ش ى ۇ ايماقتىق تەرروريزمگە قارسى قۇرىلىمى اتقارۋشى كوميتەتىنىڭ ديرەكتورى جانە بەلارۋس قورعانىس ءمينيسترى شاقىرىلعان.

ايتا كەتۋ كەرەك، ءساۋىردىڭ باسىندا پرەزيدەنت قاسىم-جومارت توقايەۆ ش ى ۇ-عا مۇشە مەملەكەتتەردىڭ قاۋىپسىزدىك كەڭەستەرى حاتشىلارىمەن كەزدەسكەن.

- وتكەن جىلى الەمدە وڭىرلىك جانە جەرگىلىكتى دەڭگەيدە 183 قاقتىعىس بولدى. جانجالداردىڭ سانى شامامەن 30 پايىزعا ارتقان. بۇل - سوڭعى وتىز جىلداعى ەڭ جوعارى كورسەتكىش. ساراپشىلار قاقتىعىستار مەن زورلىق-زومبىلىق ارەكەتتەرىنىڭ جاھاندىق سيكلى بەلەڭ الىپ كەلە جاتىر دەپ سانايدى. وسى رەتتە حالىقارالىق تەرروريزمنەن دە تونەتىن قاۋىپ كۇشەيىپ كەلەدى، - دەدى مەملەكەت باسشىسى سول كەزدەسۋدە.

اۆتور
ەسىمجان ناقتىباي