ش ى ۇ ەلدەرىنىڭ جوعارى ءبىلىم سالاسىنداعى ىنتىماقتاستىعى تۋرالى كىتاپ جارىق كوردى
استانا. KAZINFORM - تۋىندىنىڭ تۇساۋكەسەر راسىمىنە ش ى ۇ- عا مۇشە ەلدەردىڭ جوعارى وقۋ ورىندارىنىڭ باسشىلارى قاتىستى.
بۇگىن Astana IT ۋنيۆەرسيتەتىندە «جوعارى ءبىلىم بەرۋ جانە ءوندىرىستى ينتەگراتسيالاۋ سالاسىنداعى ىنتىماقتاستىق» تاقىرىبىندا حالىقارالىق سيمپوزيۋم ءوتتى.
جيىن بارىسىندا «ش ى ۇ- عا مۇشە ەلدەردىڭ جوعارى ءبىلىم سالاسىنداعى حالىقارالىق ىنتىماقتاستىعى» اتتى كىتاپتىڭ تۇساۋى كەسىلدى.
جيناقتا ۇيىمعا قاتىسۋشى ەلدەردىڭ ءبىلىم- عىلىم، حالىقارالىق ىنتىماقتاستىق سالاسىنداعى ورتاق تابىستارى مەن بىرلەسە اتقارعان جۇمىسى ورىس، اعىلشىن، قىتاي تىلىندە باياندالعان.
ايتا كەتەيىك، حالىقارالىق سيمپوزيۋم جۇمىسىنا جانە كىتاپتى تانىستىرۋ راسىمىنە ق ح ر ءبىلىم ءمينيسترى حۋاي جينپەن، ق ر عىلىم جانە جوعارى ءبىلىم ءمينيسترى ساياسات نۇربەك، جىبەك جولى ۋنيۆەرسيتەتتەرى اليانسىنىڭ حاتشىلىعى، ءال- فارابي اتىنداعى قازاق ۇلتتىق ۋنيۆەرسيتەتىنىڭ باسقارما ءتوراعاسى - رەكتورى جانسەيىت تۇيمەبايەۆ، شيان جياوتۋن ۋنيۆەرسيتەتىنىڭ رەكتورى جاڭ ليتسيۋن، استانا IT ۋنيۆەرسيتەتىنىڭ رەكتورىنىڭ مىندەتىن اتقارۋشى سەرىك ومىربايەۆ جانە 20 جوعارى وقۋ ورنىنىڭ رەكتورلارى قاتىستى.
