ش ى ۇ باس حاتشىسىنىڭ رولىن كۇشەيتۋ ۇسىنىلدى
استانا. KAZINFORM - پرەزيدەنت قاسىم-جومارت توقايەۆ شاڭحاي ىنتىماقتاستىعى ۇيىمىنىڭ استانا سامميتىندە سويلەگەن سوزىندە ش ى ۇ باس حاتشىسىنىڭ ءرولىن كۇشەيتۋ تۋرالى ۇسىنىستاردى قۇپتايتىنىن ايتتى.
«قارقىندى جاھاندىق وزگەرىستەرگە بايلانىستى ءبىزدىڭ الدىمىزدا ش ى ۇ قىزمەتىن ودان ءارى جەتىلدىرۋگە باعىتتالعان ماڭىزدى مىندەت تۇر. ۇيىم اياسىنىڭ كەڭەيۋ ۇدەرىسى جاڭا مۇمكىندىكتەرگە جول اشىپ، ونى دامىتۋعا تىڭ سەرپىن بەرەدى. ەلىمىز ش ى ۇ- عا ءتوراعا رەتىندە ۇيىمدى ىنتىماقتاستىقتىڭ بۇدان دا ءتيىمدى ءارى كوپجاقتى مەحانيزمىنە اينالدىرۋدى كوزدەيتىن تەڭگەرىمدى ۇسىنىستارىن ورتاعا سالدى. اتاپ ايتقاندا، ءبىز ش ى ۇ حاتشىلىعى مەن باس حاتشىنىڭ رولىن كۇشەيتۋدى قۇپتايمىز»، - دەدى قاسىم-جومارت توقايەۆ.
قازاقستان باسشىسى ايتىلعان بارلىق ۇسىنىس ورتاق يگى ماقساتتارعا قول جەتكىزۋ نيەتتەن تۋىنداعانىن اتاپ ءوتتى.
مەملەكەت باسشىسى ءسوزىن قورىتىندىلاي كەلە، ۇيىمعا مۇشە ەلدەردىڭ باسشىلارىنا ريزاشىلىعىن ءبىلدىرىپ، ق ح ر ءتوراعاسى شي جينپيڭدى ش ى ۇ- عا مۇشە مەملەكەتتەر باسشىلارىنىڭ كەڭەسىنە ءتوراعا بولۋىمەن قۇتتىقتادى.
