دزيۋدوشى زارينا رايفوۆا ازيا پارا ويىندارىنىڭ كۇمىس جۇلدەگەرى اتاندى

  قىتايدىڭ حاڭجۋ قالاسىندا ءوتىپ جاتقان ازيا پارا ويىندارىندا دزيۋدوشى زارينا رايفوۆا كۇمىس جۇلدەگەر اتاندى، دەپ حابارلايدى Kazinform.

زارينا J2 ساناتى بويىنشا 70 كەلىگە دەيىنگى سالماقتا فينالدىق بەلدەسۋدە الەم چەمپيونى، الاڭ قوجايىنى حۋنيۋي ۆانمەن بەلدەسىپ، 0:10 ەسەبىمەن ەسە جىبەردى.

زارينا ا توبىنداعى ءبىرىنشى كەزدەسۋىندە ازيا پارا ويىندارىنىڭ ەكى مارتە قولا جۇلدەگەرى، جاپونيالىق اتسۋمي نيسيمۋرادان 10:0 ەسەبىمەن ايلاسىن اسىرعان ەدى.

وسىلايشا، قازاقستان قورجىنىنا جەتىنشى كۇمىس مەدال ءتۇستى.

ەسكە سالا كەتەيىك، بۇدان بۇرىن پاراسپورتشى نۇرداۋلەت جۇماعاليدىڭ قازاقستانعا بەسىنشى التىندى سالعانىن جازعان بولاتىنبىز.